MNF Thalai in an enfiah

Kolasib District Magistrate-in Thingdawl Polytechnic-a kuhva ro a tihral chungchang bawh-zuiin nimin khan MNF Thalai, Mizo National Youth Front (MNYF) mi engemaw zat te chu a hmunah kalin Polytechnic Building-a kuhva dahkhawm mekte chu kawngkhar hawngin an enfiah a. Hemi hnu hian Kolasib DC, Robert C. Lalhmangaiha hovin DC Conference Hall-ah inkawmin Bawrhsap chuan Kuhva ro chu DC-in khapna thupek, (Prohibitory Order) a tihchhuah hmanga man a nih dan te, District Court-in District Magistrate hnenah kuhva man sa te tiral (dispose) tura thuneihna a pek anga tihral a nih thu leh tihralna tura kalphung tha bera a hriat angin District Magistrate-in hma a lak dan te sawifiah a. Kolasib SP David H. Lalthangliana chuan Vairengte Kudam (Godown) atanga kuhva rah bag bo chungchanga hmalakna te a sawifiah bawk. Thingdawl Polytechnic-a kuhva ro chungchanga Court thurel te, District Magistrate-in tiral tura hma a lak dan leh auction a nihnaa lehkha te chu DC hian MNYF te hi a hlan nghal bawk.