Sawrkar hnathawk pawl in Dan anga hmalak an tum

Mizoram sawrkarin Medical Reimbursement System thar a kalpui dan chungchangah Mizoram sawrkar hnathawk inzawmkhawm pawl FMGE&W chuan sawrkar hnathawkte phalna la hmasa lova hlawh cut an tum avangin dan hmanga hmalak an tum.

Federation of Mizoram Government Employees & Workers (FMGE&W) chuan MUHCS-a huam tir ve lo turin vawi tam tak sawrkarah thlen a ni tawh tih sawiin, MUHCS chu ala fel tawkloh avangin sawrkar hnathawk hlawh cut chu an duh lo tih an sawi a, Sawrkar hotu lu hnenah an duhloh thu vawi tam tak an thlen tawh tih pawh sawiin, sawrkar hnathawkte phalna la hmasa lova hlawh cut an tum chungchangah dan hmanga hmalak an tum thu an sawi a. Hetianga an tum chhan hi kumin April ni 1-ah an hlawh cut na tur Head thlenga siam a nih thu leh kalphung felfai lo a la nih avangin damlo inenkawlna chungchangah harsatna tawk an awm tih an sawi a, Dan hre mi te rawn a, dan hmanga hmalak an duh thu sawiin, nimin khan Chief Minister hnenah lehkha thehluh an tum thu leh an ngenna chu sawrkarin a ti hlawhtling lo anih chuan Court-ah kal an tum thu an sawi bawk.

Hetihlai hian Mizoram Universal Health Care Scheme hi BCM enkawl Christian Hospital Serkawn chuan zawm phawt nise tiin niminpiah khan thutlukna an siam a. hemi atan thil tul dangte chu Damdawi In thunneitu, Hospital Management Committee kutah an dah a, hetihlai hian he Scheme kalpuina kawnga pawimawh tak pahnih Sawrkar hnathawkte leh Private Hospital te nena inrem tawnna hi a la awmlo a ni.