Semi Final khel tur Serchhip District

Siaha-a 4th Inter District Cricket Tournament khelh mekah Serchhip District chuan Semi Final lutin Vawiin hian Semi Final an khel ang.

4th Inter District Cricket Tournament khelh mekah hian Serchhip District hian nimin khan Lunglei District hmachhawnin Group Match hnuhnung zawk an khel a, heng Team pahnih te hian Semi Final lut sa ve ve an ni a. Nimin-a inkhel ah hian Serchhip District hi Toss-ah chawkin vuak hmasak an thlang a, Overs 20-ah wicket 6 hlohin run 199 an siam a, a bul tantu Vanlalhruaia leh Kisan Singh te inkawp chuan run 135 zet an siam a, Samuel Vanlalawmpuia pawhin run 22 a siam bawk a ni.

Serchhip DCA in target an siam hi Lunglei DCA hian umin Overs 17-ah Wicket 3 hlohin an umphak a, Lumglei DCA hi Wicket 7 in an chak ta zawk a, Lunglei DCA tan hian Sachin Prajapati chuan run 102 zet siamin a tawp thlengin a ding a, Tolbish Chakma chuan run 64 a siam bawk.

Inter District Cricket Tournament hi Vawiin hian Semi Final an khel nghal dawn a, Serchhip District hian a thlengtu Siaha District chu an hmachhawn dawn a ni.