Serchhip District-a mikhual thlenna hmun Rating pe thar

Nimin khan Serchhip-ah District Level Committee on Swachhata Green Leaf Rating chu an Chairman leh Bawrhsap, Paul L. Khuma hova thukhawmin mikhual thlen theihna hmun hrang hrang rating pek dan thlirho a ni.

Serchhip DC Meeting Hall-a thukhawm ah hian Swachhata Green Leaf Verification Sub-Committee ten Serchhip District chhunga mikhual thleng theihna hmun (Hotel/Lodge/IB/etc.) a faina leh thiang-hlimna an kalpui dan kawng hrang hranga an endikna te an thlirho a, a thianghlim dan indawtin 5-Leaf, 3-Leaf, 1-Leaf leh No-Leaf rating te pek niin, mikhual thlen theihna hmun 25 an endik atang hian 5-Leaf rating hmu leh 3-Leaf rating hmu pathum (3) ve ve an awm a; 1-Leaf rating hmu sawmpariat (18) an awm bawk. Heng thlenna 25 an endik atang hian rating pek tlak loh Hotel pakhat a awm bawk a ni. Mipuiten awlsam zawka an thlenna hmun tur fai leh thianghlim tta an thlan theih nan mikhual thlen theihna hmun hrang hrangte hi an rating hmuh dan nen website-a en mai mai theih tura siam nise an ti bawk.

Nimin-a thutkhawm ah hian Addl. DC Lalrinzuala leh DRDO Project Director Mal-sawmtluanga Fanchun bakah SDO (Sadar) Rebecca Laldinmawii Hrahsel, DUDO Gaston Vanlalhriatpuia leh sawrkar Department aiawh leh tlawmngai pawl aiawhte an tel a, Member Secretary leh PHE Department-a Sr. EE, Er. Isaac Lalchhuanmawia chuan an hmalakna hrang hrangte a tarlang bawk.