Hnahthial-ah Union Minister

Mizoram-a rawn zin mek Union Minister of State (Independent Charge) for Planning, Statistics and Programme Implementation leh Culture, Rao Inderjit Singh chuan nimin khan Hnah-thial a tlawh a, Union Minister hian Helicopter hmanga Hnahthial thlengin Bawrhsap K. Vanlal-ruati leh a thawhpui ten an lo dawngsawng a, DC Conference Hall-ah sawrkar Department hotute nen inkawmin Hnahthial District chhunga Central Schemes hrang hrang kalpui a nih dan chu officials-te nen an thlirho a, Schemes hrang hrang kalpui a nih danah mamawh awmte zawtin India ram chu chawisan a nih theih nan Mizoram tih hmasawn chu thil pawimawh tak a nih thu a sawi bawk. Union Minister chuan Hnahthial District chang ni lo, Mizoram chu dan leh hrai kenkawh kawngah fakawm a tih thu leh India ram chhunga State ralmuang berte zing ami a ni chu fakawm a tih thu a sawi a. Hnahthial District chhunga Central Schemes kalpui dan hriatchian chu a rawn kal chhan ber a ni tiin heng schemes hmanga Hnahthial District-in hma a lo sawn chuan Mizo-ram pawn hma a sawn belh ang tih a sawi bawk.