MHIP ten hmalak an tum dawn

Mizo Hmeichhe Insuihkhawm Pawl (MHIP) General Hqrs. hruaitu thar thlanna neih a nih hnuah hruaitu tharte chuan nimin khan an mawhphurhna an la tan a, an President thar Lalliani chuan Social Media-a mawi lo taka hmeichhia inpholan chungchangah hma an la dawn tih a sawi. MHIP Pisa, Aizawla hruaitu hlui leh thar te charge inhlanna hunah hian tun thla ni 24-a hruaitu thlan thar President Lalliani, Vice President Ngurmawii Sailo, General Secretary, Prof. Irene Lalruatkimi, Assit. Secretary Prof. Zokaitluangi, Treasurer Vanlaldiki leh Finance Secretary  Lalthanmawii ten an mawhphurhna an la a. MHIP President thar Lalliani chuan Mizo hmeichhia te tana tan lak chu an hna ber tur a ni tih sawiin, Gutkha khap chung-changa hma an lak thin chu an chhunzawm tur thu a sawi. Tunlai a Mizo hmeichhia Social Media-a mawilo taka in chei a, in pholan thin chungchang ah hma an lak tur thu he hun ah hian a sawi bawk.