Dan zawm lo 47 man tawh

Serchhip Traffic Police te chuan 'No Tolerance Drive'  an kalpui mekah ni 4 chhungin Dan zawm lo-a lirthei khalh mi 47 zet an man tawh.

    Serchhip Traffic Police te hian tunkar Thawhtanni atang khan Serchhip khawpui chhunga lirthei khalhtute zingah dan zawm lo an awm leh awm loh enfiah hna hi an kalpui a, tunkar Ningani thleng khan lirthei 721 enfiah niin heng atang hian dan zawm lo mi 47 zet man an ni tawh a, heng mite pawisa chawi tlingkhawm chu Rs. 80,100/- a tling tawh a, nimin lamah lirthei enfiah a ni lo thung. Serchhip Traffic Police te chuan tunhnaia Pollution Test-na tha lo chu tunah hian a tha tawh tih sawiin, Pollution Test ngai te chuan pan theih reng a nih leh tawh thu an sawi a ni.