Buhfaitham Pathianni hmang

Baptist Church of Mizoram (BCM) chuan April thla Pathianni hnuhnung ber-a an hman thin angin nimin Pathianni kha ‘Buhfaitham Pathianni’ atan an hmang a, BCM hnuaia Tualchhung Kohhran hrang hrangah ‘Lalpa Krista rawng in bawl a nih hi’ tih thupui hmangin he ni hi hman a ni.

    BCM-in buhfai a tham tan kum hi F.W Savidge (Sap Upa) Report-a a lan dan chuan kum 1915 a ni a, Kum 1973 Assembly chuan Buhfaitham rawngbawlna chu Tualchhung Kohhran kutah dahin kum 1982 atang phei chuan Assembly-in Baptist Kohhran Hmeichhe Pawl ten an khawn a, Sum tlingkhawm te chu Tualchhung Kohhran kaltlangin Ramthim (Mission) lamah chhûnluh thin a ni. BCM Finance Department-in a tarlan danin kum 2024-2025 Financial Year chhunga Buhfaitham atanga BCM sum hmuh zat chu Rs.11,89,80,949/-a tling a ni.