Lenkawl

Serchhip Bethel Branch K|P te chuan kumin a Serchhip Pastor Bial Kriatian |halai Pawl (K|P) Conference in Serchhip damdawi In Blood Bank-a dah tura thisen pek an lo rel tawh tih hlawhtlinna kal zelah nimin khan Serchhip damdawi In Blood Bank-a dah turin thisen an pe a, thisen petute hi mipa 15 leh Hmeichhia 5, an vaiin mi 20 an ni. Serchhip Pastor Bial K|P-ah hian Branch 5 awmin heti hian Branch 4 ten thisen hi pein hun remchang hmasa ah Hriangtlang Branch ten an pe ve leh bawk ang.

Serchhip Agriculture & Horticulture Cooperative Society Ltd. chuan nimin khan General Assembly neiin hruaitu thlanna an nei.

Lal Thanhawla Higher Secondary School, Serchhip chuan kumin HSSLC, pawl 12 exam-a an School result chhuak lawmna nimin khan an nei.

Mizoram Larsap, Lt. Gen. (Rtd) Nirbhay Sharma chuan Mizoram Larsap hna a thawh hun chu nimin khan hmang zovin nimin khan sawrkar mi pawimawh ten Larsap hi Raj Bhavan-ah an thlah.

Kum 2018 HSLC leh HSSLC result tihchhuah taka Topper-te hnenah nimin khan Chief Minister's Award hlan ani a, he hun hi Chief Minister, Lal Thanhawla chuan khuallian nia hmanpuiin Exam la awm zel turah Topper te chuan mark sang zawk an hmuh zel a duh thu a sawi.

Serchhip Chanmari Veng-a nupa pakhat chu nimin khan boralin nimin vek khan Thlan khat ah phum an ni.

Mizoram Governor thar atan Kerala State-a BJP President ni lai, Kummanam Rajasekharan (66) chu ruat a ni a, Larsap tjhar ruatna hi Zirtawpni khan tihchhuah niin Vawiin, May 28, 2018-a term hmang zo tur, Lt. Gen. (Rtd) Nirbhay Sharma a rawn thlak ang.

 Kum 2018-2020 chhunga Serchhip Sub-Hqrs. YMA Executive Committee \hutkhawm hmasa ber chu Inrinni khan neih a ni.

Serchhip leh Zuangtui inkara 132kV Line chhia chu siam\hat tuma hmalak zui zel a ni a, nimin a ni 4-na thleng khan line chhe lai hi hmuh ala ni lo thung.

Pradhan Mantri Ujjwala Scheme (PMUY) hnuaiah nimin khan Serchhip District chhung Bung-tlang North khuaa chhungkaw 70 te hnenah Mizofed Serchhip Branch chuan Gas Connection an pechhuak.

International Biological Diversity Day chu nimin khan khawvel hmun hrang hrangah hman niin Aizawl-ah pawh Chief Minister, Lal Thanhawla hovin hman a ni.

Food Civil Supply & Consumers Affiars Minister, John Rotluangliana chuan niminpiah khan Borkhola LPG Bottling Plan tlawhin Mizoram in LPG Supply kan hmuh dan kalphung a sawipui a. District hrang hranga Gas Agency te chu Borkhola Bottling Plant a\anga an lak theih dan tur ngaihtuah turin a ti bawk.

Nimin zing khan Thenzawl leh Sialsuk inkara awm Tantia Company-a Mechanic pakhat chu a motor siam laiin delh palhin Thenzawl damdawi In panpui a nih laiin a boral.

MZP Hqrs. Serchhip chuan thuchhuah siamin kumin (2018) a Serchhip khawchhunga HSLC pass chhuak ta te zingah School kal chhunzawm duh si, Admission tihna kawnga sum lama harsatna nei te chuan MZP Hqrs. Serchhip OB te hnenah emaw, Phone No. 9862696439/7640811022/9862362563-ah te emaw inhriattir turin an ngen a. Hetianga harsatna neite chu inthlahrung lova in report tura ngenin, an zirlaipui harsatna nei te tan chuan theihtawp chhuah an tum thu an thu-chhuah ah chuan an tarlang bawk.

MNF Vice President, Dr. R. Lalthangliana chuan leiba ngah tak chunga per capita income sang chu a ropui lo tih sawiin, mihausa ten retheite an hliahkhuh vang a nih thu a sawi.

Serchhip District High School Sports Meet vawi 16-na chu nimin khan DC Playground, Khaw-tetlang-ah hawnna neiin tunkar Zirtawpni thleng neih a ni ang.

Health Minister, Lal Thanzara chuan nimin khan a Pisa-ah Central YMA hruaitute kawmin mumal zawka damdawi zawrh a nih theih dan tur an sawiho.

Mizo Students' Union (MSU) Gen. Hqrs. chuan Dan lo a khaw din, CADC huamchhunga Tuichawngchhuah khua a chengte zawng zawng chu May 18, 2018 ralhmaa Tuichawngchhuah a\anga la chhuak ngei turin sawrkar an phut thu an sawi a. Huntiam chhunga an chhuaklo a nih chuan a \ul anga hmalak an tum thu an sawi.

Mizoram Tipper Driver's and Owner's Association (MTA) chuan hnamdang motor-te chu Mizoram chhungah hna thawk tawhlo tura hriattirin, July 2018 a\angin tualchhung hna Mizoram-ah thawk tawh lo turin an hriattir tih an sawi a. Hnamdang motor ten hna an thawh theih tawh dawn loh avangin In sa lai leh hnadang thawkte pawhin harsatna an tawk deuh anih pawhin hrethiam turin an ngen.

Tunhnaia Serchhip District-a Vawk hri leng avanga Vawk thi chu 302 a tling tawh.

Fisheries Department leh Sericulture Department changtu Minister, Vanlalawmpuii Chawngthu chuan nimin khan Serchhip khaw chhehvela Sericulture leh Fisheries Department hmalakna hrang hrangte a tlawh kual a. Minister hi Fisheries Secretary, Thlamuana leh Serchhip-a Department hotu ten an \awiawm a ni.

International Nurses Day 2018 chu Inrinni khan khawvel hmun hrang hrangah hman a ni a. Aizawl-ah pawh Synod Hospital Durtlang Auditorium-ah he Ni puala inkhawm hi neiin khuallian nia he hun hmanpuitu Health Minister, Lal Thanzara chuan Nurse-te chu Florence Nightingale-i anga hna thawk a, a inpek anga inpe thar turin a chah.

 Serchhip-III Village Council chuan Inrinni khan an huamchhunga \halaite kokhawmin inkawmna an neihpui a. Hemi rual hian HSLC Exam result chhuaka pass te lawmpuina hun hmangin Ser-chhip-III VC in Serchhip District a VC hnathawk \ha ber lawmman an lak an lawm nghal bawk.

Inrinni zing dar 7:40 vel khan Zemabawk leh Tuirial inkara Bung Bangla quarry chu chimin mi 4 a delh hlum ni a hriat a ni a, LPK tipper 2 a delh chhe tel bawk a, he Quarry chim in a chhilh nia hriat mi 4 te ruang hi nimin chhun khan hmuh kim a ni.

Zoram Peoples’ Movement (|angrual Pawl) Chief Ministerial Candidate, Lalduhawma chuan Mizoram Sawrkarin GSDP leh Per Capita Income sang anga a sawi \hin chu thil zahthlak tak leh mahni leh mahni inbumna mai a ni, a ti.

PRISM Party General Secretary, SL. Ngursailova Sailo chuan Mizoram sawrkar-a Home Minister ni mek, R. Lalzirliana chu a sum lakluh phak baka hausa nia a hriat thu a sawi.

Public Health Engineering (PHE) Department buatsaih ‘Smart Water Solutions Conference’ chu nimin khan Aizawl-a Assembly Annexe Conference Hall-ah neih a ni a, he hun hi PHE Minister, Zodintluanga chuan hmanpuiin mobile app thar ‘PHE Smart Water’ chu a tlangzarh bawk.

Chief Minister, Lal Thanhawla chuan Mat Lui chhehvela leilet leh huan chawmtu tur, Mat Minor Irrigation Project chu nimin khan Mat Lui kam (Thenzawl kai)-a Irrigation & Water Resources Department Site Camp-ah a hawng.

Serchhip District chhunga Faina kawnga hma la \ha zirna In thlanchhuah te hnenah nimin khan chawimawina thuziak hlan a ni.

Mizoram Youth Commission (MYC) buatsaihin nimin khan Serchhip Auditorium-ah ‘MYC Youth Summit & Road Show-2018’ neih a ni a, he hun hi Fisheries Minister, Vanlalawmpuii Chawngthu chuan khuallian nia hmanpuiin \halaite khawvel thar din turin MYC chuan hma a lak thu leh heng hmalakna te hi chhawr \angkai a \ul thu a sawi bawk.

Sports Minister, Zodintluanga chuan nimin khan Mizoram infiammi, rampawn leh ram chhunga medal la te hnenah Incentive Cash Award a sem .

Mizoram Youth Commission (MYC) buatsaihin Vawiin, May 9, 2018 khian Serchhip Auditorium-ah 'MYC Youth Summit & Road Show-2018' neih a ni dawn a, he hun hi hmang \angkai turin Serchhip mipuite an sawm.

District Institute of Education & Training (DIET) Serchhip leh Zoram Entu Pawl (ZEP) hnuaia Quality Education Project \angkawp buatsaihin nimin khan ni 2 awh Serchhip SDEO hnuaia Middle School Science Teacher te tana training chu neih \an a ni.

Serchhip-a Excise & Narcotics Department ten ruihhlo kaihhnawiha an man mi 3 te chu nimin-piah khan Court a\anga hawpui an nih laiin an tlanchhuak a, nimin khan Chhingchhip-ah man leh an ni.

ZPM in nghahna tur chu Isua Krista a ni - Lalduhoma Zoram Peoples' Movement (ZPM) |angrual Pawl chuan kumin MLA inthlana Chief Ministerial Candidate atan ZNP President Lalduhoma an thlang tih nimin khan an puang a. ZPM Chief Ministerial Candidate, Lalduhoma chuan an in nghahna tur chu Isua Krista a nih thu a sawi.

MNF President, Zoramthanga chuan Congress chu ngaihhna-thiam an ngai lehzual ta niin a sawi.

Mizoram Judicial Service (MJS) trainee-te chuan nimin khan Chief Minister, Lal Thanhawla chu CM's Cabinet Meeting Room-ah an hmu.

District Task Force Committee on Immunization in a rel tawh angin Measles-Rubella (MR) Vaccine pek beihpuithlak chu Serchhip District-ah ngawrh taka neih chhunzawm zel a ni a, tunah hian Anganwadi Centre leh Health Sub-Centre hrang hrangah pek mek zel a ni.

Mizoram sawrkara Secretary leh Head of Department te pualin nimin khan Assembly Annex Conference Hall-ah 'Awareness Proramme on Solar Power Policy of Mizoram & Grid Connected Solar Rooftop Systems' neih a ni.

 Nikum aiin kumin ah thubuai ziahluh a pung nasa Serchhip District chhungah nikum (2017) kumtir thla li (4) chhung aiin kumin (2018) kumtir thla li (4) chhungin thubuai ziahluh nasa takin a pung a, nikum January - April chhungin thubuai 64 ziahluh a nih laiin kumin a hemi chhung hian thubuai 81 zet ziahluh a ni.

Serchhip Sub-Hqrs. YMA hruaitu thlanna neih a nih hnuah Committee peng hrang hrang din thar an ni leh ta a,

Serchhip leh Thenzawl ZPM Steering Committee te chuan Inrinni khan Serchhip-ah Joint Meeting an nei.

Mizoram Youth Commission (MYC) chuan Mizoram \halaite hmasawnna tur leh nakin hun atana chhawr tlak leh hna \ha tak an thawh theihna turin Youth Summit & Road Show 2018 chu District hrang hrangah a buatsaih chho mek zel a, Serchhip District-ah pawh tunkar Nilaini hian Serchhip Auditorium-ah buatsaih a ni ang.

MZP chuan Mizoram Chakma Students' Union (MCSU) te'n Mizo Quota-a Technical Course zir tur thlan dan chungchanga Mizoram swkar an khinna Court-in a titawp (dismiss) chu lawmawm an tih thu sawiin, ram leh hnam humhalh kawngah Zofate tan rahbi pawimawh ah an ngaih thu an sawi.

Mizoram State Rural Livelihood Mission (MzSRLM) Serchhip RD Block huaihawtin Inrinni khan Serchhip-ah 'Aajeevikas Diwas (MzSRLM Day)' hman a ni a, he hun hi Serchhip DRDA Project Director, VL. Remliana, MCS chuan khuallian niin a hmanpui a ni.

Falkawn-a State Referral Hospital-a Mizoram Institute of Medical Education and Research (MIMER) din tur chu Medical Council of India-in a pawmpui tawh tih Chief Minister, Lal Thanhawla chuan a puang.

Serchhip Sub-Hqrs. YMA in a enkawl mek, Serchhip chhimlam-a Sakhisih Sunctuary enkawlna atan DFO Thenzawl chuan nimin khan Sub-Hqrs. YMA hnenah hian Rs. 40,000/- an hlan. Hetihlai hian Serchhip Sub-Hqrs. YMA OB leh SEC mi 10 te chuan Vawiin hian Meeting neiin Sub-Hqrs. YMA hnuaia Committee peng hrang hrang leh hruaitu turte an ngaihtuah ang.

 Sawrkar chuan thuchhuah siamin Serchhip khawpui chhung kawngpui thawm\hat mek chu mipuiten nuam taka kan hman reng theih nan dim hram hram turin Serchhip mipuite a ngen.

Ni hnih (2) awh tur, Indian Road Congress Council Meeting vawi 215-na chu nimin tlai khan Mizoram University-ah \an a ni.

Mizoram State Rural Livelihoods Mission (MzSRLM) huaihawtin sawrkar laipui hmalakna programme - Gram Swaraj Abhya hnuaiah Aajeevika Evam Kaushal Vikas Mela chu nimin khan Aizawl-a Lal Thanhawla Auditorium-ah neih a ni a, Rural Development Minister, R. Lalzirliana chuan khuallian niin a hmanpui a ni.

ZNP President, Lalduhoma chuan ZPM Streering Committee in BJP chungchanga thutlukna a siam tak avangin buaina tur engmah a awm tawh lo tih a sawi.

Fisheries Department, Serchhip District chuan Sangha chi intodelh tura beihpui an thlakna kalzelah nimin khan Thenzawl ami, F. Lalrindika chuan ama siam Sangha chi (Common Carp) chu Thenzawl-a a mamawhtute hnenah a hralh chhuak.

Chakma Autonomous District Council (CADC) inthlanna neih zawh a nih hnuah Vawiin hian BJP kaihhruai United Legislature Party (ULP) sawrkar chu lakluh a ni dawn.

Serchhip District Football Association (SDFA) chuan nimin khan General Body Meeting neiin kum 2018-2021 chhunga an hruaitu tur thlanna an nei.

Food, Civil Supply & Consumers Affairs Department chuan thuchhuah siamin Mizoram chhung khaw hrang hrang a 14.2 kgs. a rit eirawng-bawlna Gas man bithliah thar a nih thu a tarlang a. Serchhip-ah chuan Gas bur khat man chu Rs. 780.50 ni tura tih niin Subsidy Rs. 294.06 pek a ni thung anga, Kg. 19-a rit Commercial Cylinder man chu Rs. 1426.50 a ni bawk ang.

Tun thla ni 17 leh 18 khian Serchhip-ah NLUP Kut hman tum a ni a, he Kut hman dan tur hi nimin khan Serchhip District Bawrhsap, Sangchhin Chinzah hovin NLUP Line Department te chuan an sawiho a ni.

Kum 2018 HSLC Result chu nimin khan Mizoram Board of School Education (MBSE), Aizawl chuan a tichhuak a, Mizoram pumah Exam beitu zingah za zela 76.65 in hlawhtlinna an chang a. Serchhip-a Zirna In hrang hrangte pawhin kumin hian an ti\ha thawkhat niin a lang.

Mizoram State Biodiversity Board chu nimin khan an Chairman, Chief Minister Lal Thanhawla hovin CM's Cabinet Meeting Room-ah an \hu-khawm.

Mizoram Agriculture Marketing Solution (MAMSol) chuan kut hnathawktute thlai thar-chhuah chu inthlan kum lo-ah pawh lei zel an tum tih an sawi.

Sawrkar laipui Scheme, Gram Swaraj Abhiyan (Village Self-Governance Campaign) peng pakhat, Kissan Kalyan Karyashala (Workshop on Farmers’ Welfare) chu nimin khan ramchhunga RD Block dangte rualin Serchhip-ah pawh neih a ni a, Serchhip BDO, Vanlalhmachhuana chuan khuallian niin a hmanpui a ni.

Changel a\anga lehkha a siamchhuah a\anga Mizoram Kailawn 2017-a lawmman pakhatna latu, Lalsiamthara, Serchhip chuan Changel a\anga paper an siamchhuah ah YMA nen thawhho dan awm se a duh thu a sawi.

PRISM Party President, Vanlalruata leh a thawhpuite chuan nimin khan Serchhip-ah thuthar thehdarhtute kawmin Serchhip District tana PRISM party hmalak tum dan leh ruahmanna hrang hrangte an sawi a. Mat phai chu intodelhna atana an hmalakna hmunpui pakhat a ni dawn tih an sawi bawk.

Chakma Autonomous District Council-ah pawl pahnih BJP leh Congress \angdun leh MNF in Sawrkar an siam theih thu an thlen avangin sawrkar siam tur hi Floor Test hmanga thlan a ngai dawn nia hriat a ni.

Mizoram Flagship Programme, New Economic Development Policy (NEDP) hnuaia hmalakna pakhat, Mizoram Kailawn, 2018 chungchang inhrilhhriatna chu nimin khan Serchhip DC’s Conference Hall-ah neih a ni.

Serchhip Sub-Hqrs. YMA chuan kum hnih chhunga Sub-Hqrs. Executive Committee (SEC) Member tur mi 10 ruatin Committee peng hrang hranga hruaitu turte ruat leh an ni ang.

Nimin khan Serchhip District Task Force Committee on Beti Bachao Beti Padhao chu an Chairman, Serchhip District Bawrhsap, Sangchhin Chinzah hovin a pisa-ah an \hukhawm.

Chief Minister, Lal Thanhawla chuan nimin khan Aizawl-a CM's Banquet Hall-ah 'World No Tobacco Month' hawngin, hemi rual hian Vaihlo tellohna infiamna khawvel Mizoram-a siam tura hmalakna, 'Tobacco Free Sports Campaign' chu a tlangzarh nghal bawk.

MZP chuan Bairabi Zophai-a ‘Zofate Chawlhbuk’ sak an tumna a Assam Police in MZP te an tihbuaina a Mizo Journalist hliam tuarte Thla hualna hun nimin khan Aizawl-a MZP Pisa Pui-ah an buatsaih.

Mizo \halai UPSC exam pe-a Cash Incentive Award dawng thei tura inziak tling mi 11 te hnenah nimin khan Higher & Technical Education Minister, R. Romawia chuan Cash Incentive Award cheng nuai khat \heuh a hlan.

Nimin khan Serchhip-ah District Level Seminar on Cooperatives neih a ni a, he hun hi Chief Minister, Lal Thanhawla chuan khuallian nia hmanpuiin, Cooperative Society chu Society huapzo tak, tupawh len theihna leh mi harsatna te dawmkangtu pawl pawimawh tak a nih thu a sawi.

Serchhip District Anti-Tobacco Squad te chuan kum 2017-2018 chhung khan Squad Drive \um 72 zet neiin dan Cigarettes and Other Tobacco Products Act (COTPA) bawhchhia mi \hahnem tak an man.

PRISM Party chuan kumin a MLA Inthlanpui lo awm tura candidate tur mi 10 te chu nizan khan an puang.

Chief Minister, Lal Thanhawla chuan man man zawkaSawhthing hralh dan tur ngaihtuah mek a ni a, hun reilote ah puan theih beisei a ni, a ti.

Minister of State, Vanlalawmpuii Chawngthu chuan tunhma te ngaihtuah chuan infiamna khawvel thara cheng ang mai kan ni tawh a ni, a ti.

New Economic Development Programme (NEDP) hnuaia khua leh tui harsa zawk ten chenna In \ha zawk an  neih theih nana hmalakna, Chief Minister's Rural Housing Scheme tlangzarhna chu nimin khan Serchhip-ah neih a ni a, he hun hi Chief Minister, Lal Thanhawla chuan hmanpuiin \anpuina semchhuah nghal a ni.

Serchhip-a Excise & Narcotics Department chuan Inrinni khan Serchhip-a rawn pek tur Ganja \hahnem tak manin a neitute pawh thubuai siam sak nghal an ni.

Serchhip Darnam Branch YMA te chuan an huamchhunga Hmeithai pakhat chenna In sak chu nimin khan hnatlangin an chhunzawm pui.

Ei leh bara Mizoram in hma a sawn theihnan a kawng hrang hranga sawrkar leh mimal leh pawla anga mawhphurhna fawng vuantute intawhkhawmna runpui, Mizoram Economic Conclave chu Mizorama a vawikhatna atan nimin Aizawl-ah neih a ni.

Serchhip Sub-Hqrs. YMA rorelna sang ber dawttu, Sub-Hqrs. Coordination Committee (SCC) \hutkhawm chu nimin khan neih a ni a, tun thla ni 24 leh 25-a Sub-Hqrs. YMA Conference neih tura thil pawimawh hrang hrang an sawiho.

Presbyterian New Serchhip Pastor Bial in 'Presbyterian English School' an din thar chu nimin khan a hawnna leh Pathian hnena hlanna inkhawm neih a ni.

Fisheries Minister, Vanlalawmpuii Chawngthu chuan Mizote chu Social Media kan hman fimkhur a ngaih thu a sawi.

Serchhip MNF East Block hruaitute chuan nimin khan an President, T. Zadingliana hovin Serchhip-a thuthar thehdarhtute kawmin NLUP a Vawk note sem tur supply chungchangah mimal induhsakna uchuak tak a awm nia an hriat thu an sawi.

Nizan Dar 7:30 vel khan Serchhip P&E Veng-a C. Lalkhuma te chenna In chung chu thli in a la a, mihring thi leh hliam erawh an awm lo thung.

Serchhip District Anti-Tobacco Squad leh Serchhip Traffic Police \angkawp chuan Ningani Serchhip khawchhung leh a chhehvelah Joint drive neiin sumdawnna atana hman, a bikin mihring phur chi lirthei hrang hrang ah Dan in a khapna bawhchhiaa Mei zu an awm leh awmloh an enfiah a, heng an enfiahna ah hian Dan bawhchhia mi 7 manin heng mite hi COTPA Act, 2003 Section 4 hmanga manin Dan in a phut angin hmun leh hmunah pawisa chawitir nghal zel an ni.

Nehru Yuva Kendra Sanathan (NYKS) chuan Inrinni khan Serchhip Bazar Branch YMA hnenah State Level Award for Outstanding Youth Club an hlan a, he Award hi Central YMA Office-ah NYKS aiawhin Central YMA President, Vanlalruata chuan a hlan a, Award hian pawisa fai Rs. 1,00,000/- leh Citation a keng a ni.

Serchhip Sub-Hqrs. YMA chuan Ningani khan Executive Committee \hutkhawm neiin thla thar a Conference vawi 6-na an neih tur hrang hrang an sawiho.

Hun engemaw chen Mizoram sawrkar leh HPC (D) ten remna zawnga inbiakna an neih hnuah karleh Thawh\anni khian inremna thuthlung an ziak dawn tih Chief Minister, Lal Thanhawla chuan sawiin, Mizoram sawrkar aiawhin Chief Secretary in hming a ziak ang.

Mizoram-a chenna In nei lo chhungkaw 15,798 te In sakna turin sawrkar chuan cheng nuai 236.97 a dawng dawn.

Tunhnaiah Serchhip-ah Vawk natna, PRRS a leng ngei tih finfiah a ni a, PRRS avang hian Vawi 80 chuang thi tawhin District Magistrate chuan ramdang a\anga Vawk lakluh khapna thupek pawh niminpiah khan a tichhuak nghal bawk.

Mizoram Environment & Forest Consultative Forum (MEFCOF) Sub-Hqrs. Serchhip chuan nimin khan Lalpuithanga Hall, Serchhip-ah General Meeting neiin an pawl hruaitu tur thlanna an nei.

Nimin chawhnu dar 2:00 vel khan Serchhip a\anga Mausen pan 207 Truck chu Thenzawl dai-ah chesualin mi pakhat in nunna a chan a, mi pathum ten hliam an tuar bawk.

Serchhip-a Legal Metrology Department leh Serchhip District Anti Tobacco Squad ṭangkawp chuan nimin khan Serchhip khawchhunga dawr hrang hrangah dan lova Foreign Sikret zawrh dapchhuah hna an thawk

Serchhip-a sumdawng inzawmkhawm, Chamber of Commerce Serchhip chuan nimin khan Assembly neiin an pawl hruaitu tur thlanna an nei.

Serchhip Chanmari Vengthar Branch KṬP te chuan nimin khan Serchhip Blood Bank-a dah turin thisen an pe.

Bialtu MLA leh Chief Minister, Lal Thanhawla chuan Serchhip mipuite hman turin Aurinna hmanrua a lei a, hei hi a duh apiang tana hawh theih turin Serchhip-a I&PR Office-ah dah a ni.

Tunhnaia Bairabi Zophai-a Journalist te kutthlak an nih chungchanga lungawilohna an neih te thuneitu sang hnena MJA in an thlen bawhzui saktu Mizoram MP te chungah MJA chuan lawmthu an sawi.

Serchhip Sub-Hqrs. YMA hruaitute chuan Zirtawpni tlai khan Kei\um leh Khawlailung inkara Tuichang Lei dawh hna thawh mek chu a \um hnihna atan tlawhin hnathawh dan an enfiah.

Association for Voluntary Blood Donation (AVBD) Serchhip Branch chuan Inrinni khan Awareness Campaign neiin an pawl hruaitu tur thlanna an nei.

Serchhip Town Development Committee (ST-DC) hruaitute chuan Inrinni zing khan Serchhip Bazar a\anga Lower Chanmari Veng panna kawng peng zauh dan tur an enho.