Saturday, 7 April 2018

SCC thukhawmin Serchhip Sub-Hqrs. YMA Conference neih tur atan Agenda thlitfimna an nei

Serchhip Sub-Hqrs. YMA rorelna sang ber dawttu, Sub-Hqrs. Coordination Committee (SCC) \hutkhawm chu nimin khan neih a ni a, tun thla ni 24 leh 25-a Sub-Hqrs. YMA Conference neih tura thil pawimawh hrang hrang an sawiho.
Nimin a Sub-Hqrs. Coordination Committee (SCC) \hutkhawm, Serchhip Sub-Hqrs. YMA Office-a neih hi an President, R. Sanghmingthanga chuan kaihruaiin tun thla ni 24 leh 25-a Serchhip Sub-Hqrs. YMA Conference vawi 6-na Serchhip-a Auditorium-a neih tura rorelna a ngaihtuah tur Agenda hrang hrang Branch leh Group bakah SEC a\anga lut te thlirin Agenda rawtna lut 38 a\angin Conference-a ngaihtuah turin Agenda 6 chhawpchhuah tur an thlang a. Heng zingah hian Ruihhlo do beihpui thlakna kawngah chak lehzuala hmalak a nih theih nan Sub-Hqrs. YMA in ruahmanna siam rawh se tih te, Dan lo leh phalna la hmasa lova khawl hmanga thing lak \hin tihtawp a nih theih nana hmalak te, District tin DC Office-a ILP Cell tih changtluna Computerized vek a nih theih nan Central YMA in hma la rawh se tih te, Luidung-a nungcha leh lung humhalhna kawnga hmalak te, Mizoram-a hnamdang company hna thawka awm ten an hnathawh tur atana Agreement awm anga hna an zawh theihna turin Central YMA in hma lak rawtna te leh Sub-Hqrs. YMA Office-a Dak Runner/Rider la awmlohna hmun ah Central YMA in Two Wheeler leh Dak Runner/Rider dah dan ngaihtuah se tih te a tel a ni.
Hei bakah hian SCC Meeting hian kum 2018-2020 chhunga Serchhip Sub-Hqrs. YMA hruaitu tur thlanna neih tura Nominate tura Branch, Group leh SEC in a rawt a\angin mi 19 te Nominate tura pawmin heng mite hi :
  1. C. Lalramliana, New Serchhip Bazar Branch
  2. C. Lalrammuana, Field Veng Branch
  3. C. Thangzama, Dinthar Branch
  4. F. Remnalalnghaka, IOC Veng Branch
  5. H. Lalbiakhlua, Hmar Veng Branch
  6. Kaptluanga Ralte, Vengchung Branch
  7. Kawl\huama, S. Kawnpui North Branch
  8. Lalengliana Ralte, Vengchung Branch
  9. Lalrammawia, Chanmari Branch
  10. Lalzuiliana, Serchhip Kawnpui South Branch
  11. Malsawma Pachuau, Darnam Branch
  12. PC. Vanlalluna, Chhiahtlang Zotuithiang Branch
  13. Ramdinmawia Ralte, New Serchhip Venglai Branch
  14. R. Chalhmingliana, Serchhip Kawnpui North Branch
  15. R. Lalhmunsiama, Serchhip P&E Veng Branch
  16. R. Sanghmingthanga, IOC Veng Branch
  17. Vanlalhluna, Serchhip Kawnpui North Branch
  18. V. Lalrintluanga, Serchhip Field Veng Branch
  19. Zonunsanga Kawlni, Serchhip Chanmari Veng Branch te an ni.

Latest News

PRISM Party in Counter Affidavit an file thu an sawi

PRISM Party chuan MLA inthlana din tuma Nomination File mi 28 lakah Counter Affidavit File a nih thu an sawi.