Eizawnna leh thiam thil inkawhhmuhna Kutpui, ‘Aajeevika Evam Kaushal Vikas Mela’ neih a ni

Mizoram State Rural Livelihoods Mission (MzSRLM) huaihawtin sawrkar laipui hmalakna programme - Gram Swaraj Abhya hnuaiah Aajeevika Evam Kaushal Vikas Mela chu nimin khan Aizawl-a Lal Thanhawla Auditorium-ah neih a ni a, Rural Development Minister, R. Lalzirliana chuan khuallian niin a hmanpui a ni.

Thingtlang mite tana hmasawnna kawnga inrelbawldan \ha zawk zirtirna beihpui (Gram Swaraj Abhyan) hnuaia Eizawnna leh thiam thil inkawhhmuhna Kutpui, Aajeevika Evam Kaushal Vikas Mela-ah hian Rural Development Minister, R. Lalzirliana chuan ramin hma a sawn theihna turin thingtlanga chengte hma an sawn hmasak phawt a pawimawh tih a sawi a. Self-Help Group (SHG) chu retheihna umbo tura a bul\anna leh hmasawnna lamtluanga rahbi hmasa ber te zing ami a nih thu sawiin, SHG te hlawhtlinna te chu a sum zawnga tehin lian tham rih lo mahse hmasawnna lian zawk leh sum tam zawk thawkchhuak tura thingtlang mite buatsaihtu a nih avangin a pawimawh em em tih a sawi a. "SHG hi mitin tan a ni a. Mahni a bul\anna sum nei daih lo, intodelh tura hmasawn duh tawh phawt chuan thurualpui zawngin pawl anga intelkhawma hmalak nan SHG hi thil tih chi tak a ni a. Tunah hi chuan SHG tam ber hi chu hmeichhe intelkhawmte siam a ni deuh vek a. Mipa te paw'n he hmalakna huanga luh nachang hi hria se tun aiin sawkar laipui hnuaia hmasawnna programme hrang hrangte kan state sawrkar pawhin phur taka a kalpui mek te pawh hian awmzia a nei thui zawk dawn a ni", a ti bawk.

Aajeevika Evam Kaushal Vikas Mela programme hi Rural Development Commissioner & Secretary, Lalhmingthanga'n a kaihruaia. He hunah hian mithiam sawmbikte te hnen a\angin thupui 3 - Women Empowerment, Entrepreneurship & Livelihoods leh Women Entitlements under Social Welfare Department-ah inzirtirna hun hman a ni a. MzSRLM hnuaia RSETI leh PMKVY hlawhtlinpuitute a\angin an hmalak dan ngaihthlak niin SBI - Rural Self Employment Training Institute (RSETI) a\anga zirchhuakte hnena Certificate hlanna hun pawh neih a ni a. MzSRLM in sawrkar laipui hmalakna a kalpuina hrang hrang atana \anpuina sum, loan pechhuak \hazual te hnenah lawmman hlan niin an pek chhuah tam dan indawtin, Mizoram Rural Bank (MRB) Kawrthah Branch, MRB Vairengte Branch, MRB Lungdai Branch, MRB Kolasib Branch leh MRB West Phaileng Branch te RD Minister, R. Lalzirliana chuan lawmman te hi a hlan a ni.

Aajeevika Evam Kaushal Vikas Mela programme pual hian MzSRLM  Official te chuan  programme chhimtute leh a mamawh apiangte  hman \angkai tur,  SBI- RSETI leh Deen Dayal Upadhyaya Grameen Kaushalya Yojana (DDU-GKY) chungchang inziahna an lehkha an sem a. DDU-GKY hi thingtlang \halaite -  kum 15 leh 35 inkar hnazawng mek te mamawh thiamthil a thlawn a zirtirna a ni.