Miss Mizoram 2024 lawmman tur tihfel a ni

/

Miss Mizoram 2024 thlanna chu kalpui mek zel niin ‘Miss Mizoram 2024’ atana thlan chuan lawmman ah Rs 2,00,000 bakah Vespa Scooter a dawng dawn.

Miss Mizoram 2024 thlanna hi tun thla ni 26 thlenga neih tura ruahman niin he intihsiaka pakhat hian lawmman ah Rs. 2,00,000 leh Vespa scooter a dawn dawn bakah Main Sponsor - Women & Child Development Department chuan Ambassador atan an hmang nghal dawn bawk a. Pahnihna (1st runners up)-in Rs. 1,00,000 dawngin pathumna in Rs. 50,000 a dawng dawn bawk a. Pakhatna atanga pathumna te hi Lash Studio chuan hamthatna an pe vek bawk ang.

Heng bakah hian Top 5-a tlingte, Top 10-a tling te, Finalist-te leh Sub-Title lawmman dawngtute hnenah lawmman pawisa pek a ni dawn a, Top 5 a tling te hi Rs. 25,000 theuh pein Top 10-a tling te chu Rs. 15,000 theuh pek an ni anga, Finalist leh Subtitle la te chu Rs. 10,000 theuh pek tur niin lawmman atana pawisa fai pek chhuah tur zawng zawng chu Rs 6,55,000 a ni dawn a ni. Miss Mizoram 2024 thlanna neih mekah hian April 23, 2024-ah Sub-Title lawmman te sem a ni dawn a, April 26, 2024 zan-ah Grand Finale neih a ni ang.

Comments

Post a Comment

Popular News (Last 30 Days)

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »

END leh SADS in Heroin man

/
Image
Serchhip-a Excise & Narcotics Department leh Serchhip Sub-Hqrs. YMA Anti-Drug Squad te chuan nimin zing dar 9:30 vel khan Chhiahtlang dai, Lamchhip kawng (Darzika Road) peng-ah Heroin nia hriat Hawng 10 an man a, heng ruih-hlo an man hi gram 119.46-a rit niin a neitu nia hriat Lalchhanhimi (47), Chhiahtlang Hmar Veng nia insawi pawh manin thubuai siam sak nghal a ni. Heng damdawi te hi chawhmeh (thlai rah) karah thuhruk a ni.
Kimchang zawkin »