Tuichawngchhuah khua a chengte zawng zawngte tunkar chhunga lachhuak turin MSU in sawrkar an phut

Mizo Students' Union (MSU) Gen. Hqrs. chuan Dan lo a khaw din, CADC huamchhunga Tuichawngchhuah khua a chengte zawng zawng chu May 18, 2018 ralhmaa Tuichawngchhuah a\anga la chhuak ngei turin sawrkar an phut thu an sawi a. Huntiam chhunga an chhuaklo a nih chuan a \ul anga hmalak an tum thu an sawi.

Mizo Students' Union (MSU) Gen. Hqrs. hian nimin khan MSU Pisa Pui-ah an President, RB. Lalmalsawma kaihhruaina hnuaiah Extended Office Bearer Meeting neiin CADC huamchhunga Tuichawngchuah khua chu dan lova din a nih avangin hun rei tak a\angin MSU chuan \hiah a nih ngei theih nan hma a lo la tawh \hin tih sawiin, hetianga hma an lak lai hian zirna In \ha tak te, Water Supply leh Power Supply \ha takte pek belh niin CADC huamchhunga dan ang taka cheng Zohnathlakte erawh enhran an niin Development tam taka hrek an ni chu an hrethiamlo hle tih an sawi a. Hemi chungchang hi a bialtu MLA bakah CADC hotute pawh hrilh hriat an ni tawh tih sawiin, Dan lova khaw din Tuichawngchhuah-a chengte hian insuanchhuah aiin an School kang chu MSU hal-a puhin MSU hruaitu engemaw zat te manin Lunglei District Jail-ah tantir an nih mai bakah Mizoram Sawrkar chu High Court-ah an khing tih an sawi a. Amaherawh chu he khua hi Dan lova din a a nih avangin High Court chuan tunhnai khan he Case hi a titawp ta tih sawiin, Dan lova khaw din Tuichawngchhuah khua a chengte zawng zawng chu tunkar Zirtawpni, May 18, 2018 ralhmaa Tuichawngchhuah a\anga lachhuak ngei tura sawrkar ngenin, he huntiam chhunga an chhuaklo anih chuan a \ul angin hmalak nise an ti bawk.

Hei bakah hian nimin a MSU hruaitute \hukhawm chuan Mizoram PWD hnuaia kawngpui siam hnathawktu Company leh Contractor zawng zawng te chu huntiam chhunga an hnathawh zo ngei tura ngen nawn lehin, huntiam chhunga hna thawk zo theilo Company leh Contractor te hrem an nih theih nan a \ul angin hma an la dawn tih an sawi a, Company leh Contractor hnathawk \halo leh hnathawh lai la nei thawk zo lo te chu hna dang pe rih tawh lo turin thuneitute an ngen tih an sawi bawk.

MSU General Hqrs. chuan Zirtirtu indaihloh avanga Bairabi khawtlang in an khuaa zirna In an khar mek chu pawi an tih thu pawh sawiin, MSU in 'Zirna Uar Kum' a puan laia zirna In khar a ngai ta chu lungchhiatthlak an tih thu leh an thilphut te a rang lama chingfel tura thuneitute an phut thu an sawi bawk.