Science Zirtirtute training nei

District Institute of Education & Training (DIET) Serchhip leh Zoram Entu Pawl (ZEP) hnuaia Quality Education Project \angkawp buatsaihin nimin khan ni 2 awh Serchhip SDEO hnuaia Middle School Science Teacher te tana training chu neih \an a ni.

Serchhip Chanmari Veng DIET Lecture Hall-a he training hawnna hi Serchhip DIET Principal, Lalrammawia chuan hmanpuiin sawrkar laipui ruahmanna angin Quality Education kalpuina turin nikum ah Ser-chhip District chhunga zirna In thlanchhuah ah te Assessment neiin zirlai leh zirtirtute dinhmun zirchian a nih tawh thu leh chuta Science Teacher ten harsatna an neih tarlan te sutkian a nih theih nan he training hi buatsaih a nih thu a sawi.

DIET Principal chuan ramchhunga zirna kalphung rualkhai taka kalpuina turin 'Learning Out-Comes' Text book chu siam a nih thu leh he lehkhabu hi zirtirtute chuan an hman \angkai a \ul thu a sawi a. Zirtirtute chuan Text book tello pawhin he lehkhabu a\ang hian zirlaite zirchhuah tur chu an hriat theih thu leh Text book chauh chu zir tur ni lovin, Text book chu zirlaite zirtirna pakhat mai a ni zawk tih hriat a \ul thu a sawi bawk.

Nimin a he training hawnna hi Baby Lal\hakimi Chinzah, Coordinator, ZEP Quality Education Project chuan a kaihruai a, DIET Lecturer atangin MC. Roluahpuia leh Vanlal-awmpuia te chu Resource Person atan hman an ni a, heng mite hian he huna tel Science Teacher te chu zirtirna an pe dawn a ni. He training a tel tur hian Serchhip SDEO hnuaia Middle School hrang hrang a\angin Science Teacher 51 tel tura koh niin Vawiin ah a hmun ngaiah chhunzawm lehin zawhfel a ni ang.