Monday, 26 March 2018

Blood Donation Awareness Campaign neih a ni

Association for Voluntary Blood Donation (AVBD) Serchhip Branch chuan Inrinni khan Awareness Campaign neiin an pawl hruaitu tur thlanna an nei.
AVBD Serchhip Branch buat-saih Serchhip CMO Conference Hall-a Blood Donation Awareness Campaign hi AVBD Serchhip Branch Vice President, Zonunsanga Kawlni chuan kaihruaiin AVBD Serchhip Branch President, Zolianmawia chuan mi tlawmngaite thisen pek avanga damlo te nunna chhan nana Blood Bank a thisen dahkhawl a awm thei \hin chu lawmawm a tih thu a sawi a. Mizote chu tlawm-ngai tak kan nih thu leh thisen pe tura inring renga kan awm lai hian damlo, serious tak tak ten chawpchilh taka thisen an mamawh \hin avangin Blood Bank-a thisen thianghlim dahkhawl a pawimawh zia kan hriat tlan a \ul thu a sawi a. Thisen pe turte chu an hriselna dinhmun enfiah hmasak zel a nih avangin mi hrisel pangngai tan thisen pek chu hlauhawm loh tih a sawi bawk.
He hunah hian Dr. Lalhlunpuii chuan Blood Bank dinhmun tarlangin, nikum April thla a\anga Inrinni thleng khan Serchhip Blood Bank-ah thisen Unit 1081 pek niin heng zinga Unit 902 hi Voluntary donation a ni a, Unit 179 chu Replacement donation niin hemi chhung hian Blood Donation Camp \um 19 neih a ni a. Nikum chhunga thisen pek zawng zawng a\anga 83.4% hi Voluntary Donation niin Replacement donation hi 16.6% a ni a. Replacement Donation ti tlem tura \an lak a \ul thu a sawi bawk.
Blood Donation Awareness Campaign hman rual hian kum 2018-2020 chhunga AVBD Serchhip Branch hruaitu tur thlanna neih nghal niin hruaitu atan mi 6, Zolianmawia, Vengchung; Zonunsanga Kawlni, Chanmari Veng; C. Zakunga, P&E Veng; Hmingthansiama, Bazar Veng; Lalrintluanga, Chhim Veng leh Lal-tlankimi, Ramthlun Veng te thlan an ni a, heng mite hian an chanvo chelh tur an la insiam leh ang.

Latest News

Thuneihna semzai tum

MNF Vice President, R. Tlanghmingthanga chuan MNF a lo sawrkar chuan thuneihna sem-zai (decentralisation of power) chu a takin an kalpui d...