Gas harsatna chungchangah Supply Minister in Borkhola LPG Bottling Plant a tlawh

Food Civil Supply & Consumers Affiars Minister, John Rotluangliana chuan niminpiah khan Borkhola LPG Bottling Plan tlawhin Mizoram in LPG Supply kan hmuh dan kalphung a sawipui a. District hrang hranga Gas Agency te chu Borkhola Bottling Plant a\anga an lak theih dan tur ngaihtuah turin a ti bawk.

Supply Minister, John Rotluangliana hian Borkhola LPG Bottling Plant hotute kawmin tunhnaia Mizoram in LPG Supply kan dawn tlem chhan zawtin, Borkhola Bottling Plant-a Senior Plant Manager, Lal Ngaisang Khozol chuan Gas thunkhah na khawl (carouser) an siam belh vang niin a chhang a. He khawl siambelh a nih lai hian Hot works (welding etc) te khawih a ngaih avangin chetsualna leh intipalh awm thei laka inven nan carouser hmanlai chu chawlh tir a ngai \hin a, hei hian nikhat a an Gas thun khah \hin ang pangngai chu thun khat hman lovin LPG supply a tih tlem phah anih thu a sawi a. Carouser siam belh a nih chhung hian kalphung pangngaia nikhata Gas bur an thun khah \hin Truck trip 50 vel chu a zahve ah a tlakhniam phah a, Truck trip 25 vel chauh an thunkhat (refill) hman \hin a, hei avang hian LPG Supply chu tunhnaiah a tlakhniam phah thu a sawi bawk.

Supply Minister chuan Mizoram in LPG Supply nikhata kan dawn zat chu tipung tura hrilhin Mizoram tan nikhatah Truck Trip 12 a\anga 15 inkar tal supply tura ngenin Lal Ngaisang Khozol chuan an tihhlawhtlin tur thu a sawi a, hemi bakah hian Carouser an siam belh chu June thla a\anga hman \an theih a nih tur thu sawiin, Carouser 2 hman a nih hnu chuan nikhatah Truck Trip 100 vel Gas an thunkhah (refill) hman tur thu leh hei hian LPG Supply a harsatna awm \hin chu a ti zia awm viau dawn niin a sawi a. Supply Minister chuan Mizoram puma LPG Supply a harsatna awm \hin chu sutkian a nih theih nan District hrang hranga Gas Agency te chu Borkhola Bottling Plant a\anga khaihlak awmloa pekchhuah (supply) an nih theih nan hma la tura hrilh bawkin, Sr. Plant Manager chuan a tahtawlin hmalak dan an ngaihtuah chhoh zel tur thu a sawi bawk.

Transport Minister ni bawk John Rotluang-liana chuan Sonai Road-a Mizoram Transport Department ram chu a hmunah kalin a tlawh a, helai hmuna hmalak tumna te chu enfiah in Transport Department hotute a sawipui a, thlenna In (Guest House), Staff Quarters sak na tur, Ticketing Counter sakna tur leh a kaihhnawih hrang hrang sak bakah MST bus hunna tur ruahmanna an neih te chu sawipuiin, Silchar-a zin veivak Mizo mipuite tana kawng awlsam zawk tur leh remchang zawk tura a hriat te a sawipui bawk.