Mat Lui chhehvela leilet leh huan chawmtu tur, Mat Minor Irrigation Project Chief Minister in hawng

Chief Minister, Lal Thanhawla chuan Mat Lui chhehvela leilet leh huan chawmtu tur, Mat Minor Irrigation Project chu nimin khan Mat Lui kam (Thenzawl kai)-a Irrigation & Water Resources Department Site Camp-ah a hawng.
Mat Minor Irrigation Project hawnna hunah hian Chief Minister chuan kum rei tak a\anga lo nghah tawh Mat Minor Irrigation Project hawn a ni ta chu lawmawm a tih thu sawiin, hlawk zawka buh leh bal thar tur chuan agriculture kalpui dan pawh a ngheh a ngai a, chumi atan chuan irrigation a pawimawh a ni, a ti a. WRC te, Terrace siam te a hautakin tha leh sum sen a ngai nasa \hin a, a chawmtu tur Tui supply \ha a pawimawh bawk thu sawiin, chutianga ke pen theih a tura he Project duan chuah chuan farmer engemawzat a chhawk zangkhai a beisei thu a sawi a. Chief Minister chuan state dang nen khaikhin chuan Mizoram chu tui hrim hrimah chuan ruahtui te kan dawng \ha in, tui hna kan nei \ha a; “Kan ngaihtuah zawk tur erawh heng kan malsawmna te hi kan humhalh in kan hmang \angkai em tih a ni,” a ti bawk.
He hunah hian Agriculture Minister, KS. Thanga pawhin he Project hawn tak chu hmalam hun lo kal turah kuthnathawktute tan \angkaina leh hlawkna thlentu a nih dawn avangin a lawm thu a sawi a, Irrigation project dang lo awm tawhte aiin he Project danglamna chu tuilakna chuan hnuailam chauh nilovin a chhak lam amite pawhin tuilak an dawng ve thei tur chu a ni, a ti bawk.
Mat Irrigation Project hi cheng nuai 554 senna tur niin, Agriculture ram hectare 176 a zau chawmin, chhungkaw 44 in an chhawr thei dawn a. Tui kawng hi dawh belh zel theih niin Phase 2 thawh theih a nih chuan a vaiin Hectare 515 a zau a chawm thei dawn a ni. Tui kawng hi chi hnih (2)-a siam niin, tuilian in a chim phak metre 805 a thui chu RCC in siam a ni a, a bak zawng metre 2620 a thui chu PCC Floor & Bricks Walling Trapezoidal Channel a siam a ni. Tui kawng chunglam pawh nizung chakna hmangin emaw lift irritation-a lak theih a ni dawn bawk a, chumi atan chuan Bypass Channel panga (5) siam a ni. He project hnuaiha hian Fur laiin tui 2.47 litres/second/hectare supply thei tura ruahman niin, |hal lai chuan 1.58 litres/second/hectare supply thei ve thung dawn a. He Irrigation Project hi Accelerated Irrigation Benefits Programme (AIBP), Ministry of Water Resources atanga sum hmuh (90:10) hmangin I&WR Department-in a thawh a ni.

Popular posts from this blog

PAN CARD an tih teh fo hi - Laldinpuia