NLUP Kut hmang dawn

Tun thla ni 17 leh 18 khian Serchhip-ah NLUP Kut hman tum a ni a, he Kut hman dan tur hi nimin khan Serchhip District Bawrhsap, Sangchhin Chinzah hovin NLUP Line Department te chuan an sawiho a ni.
Serchhip District Bawrhsap, Sangchhin Chinzah hova a Pisa-a NLUP Line Department te \hutkhawm ah hian Bawrhsap chuan Serchhip District NLUP Kut chu Kut ropui leh danglam tak, mi tihdan entawn emaw, satliah deuh taka hman mai mai emaw awm lova hman ngei a duh thu sawiin, Line Department te chu a \ha ber zel rawn phochhuak ngei turin a ngen a. A \ha ber an phochhuah theihna a nih dawn phawt chuan a \ul ang zela thuneitu sang zawkte biaksak zel pawh a inhuam thu a sawi bawk.
Nimin a Bawrhsap hova Meeting hian NLUP Implementing Board (NIB) lamin duh dan a rawn zamte milin Kut hman dan tur hi a rel a. Kut hman hun atan May 17-18 ruat niin, ni hnih chhung hman tur a ni ang a. A hmun atan Ser-chhip khawpui lailia awm Town Hall chu ruat a ni. A hmun hma enfel leh Stall hrang hrang buatsaihte chu DC lam kutah dah niin Line Department tinte chu he Kut atana an inruahmanna, an mamawh leh Subsidy a an tharchhuah an hralh theih tur zat tlangpuite lo siama a ranglama DC Office-a thehlut tura tih an ni a. He Kutah hian NLUP hmalakna chi hrang hrang pho-chhuahna, Photo Exhibition chu I&PR Serchhip District in an buatsaih bawk ang. Heng bakah hian thil \ul leh pawimawh hrang hrangte an sawiho nghal a ni. 

Popular posts from this blog

PAN CARD an tih teh fo hi - Laldinpuia