Wednesday, 11 April 2018

Chief Minister hovin Serchhip-ah District Level Seminar on Cooperatives neih a ni

Nimin khan Serchhip-ah District Level Seminar on Cooperatives neih a ni a, he hun hi Chief Minister, Lal Thanhawla chuan khuallian nia hmanpuiin, Cooperative Society chu Society huapzo tak, tupawh len theihna leh mi harsatna te dawmkangtu pawl pawimawh tak a nih thu a sawi.

Mizoram State Cooperative Union (MSCU) buatsaiha New Serchhip YMA Hall-ah District Level Seminar on Cooperatives-ah hian Chief Minister, Lal Thanhawla chuan Cooperative Society chu society huapzo tak, tupawh len theihna leh mi harsate dawmkangtu pawl pawimawh tak a nih thu sawiin, Cooperative Movement hlawhtlinna chuan thui takin ram hmasawnna a puih theih thu a sawi a. Mizoram-a Cooperative Society ding zingah mipuiin an chhawr \angkai tak tak awmin, chungte chu sawrkarin a din nilovin mi \hahnemngaite kutchhuak a nih thu a sawi a; Mizoram chu state dangte nen khaikhin chuan literacy rate a san avangin leh chi leh chi inkar thliarna a awm ve loh avangin Cooperative Movement chu chak leh zuala a \han theih tur thu a sawi bawk.
Chief Minister chuan ram hmasawnna tura hmalakna, NEDP chu Market Economy-a State a inhlankai theih nan sawrkarin duang tih sawiin, India rama Management Institute \ha ber pawl IIM-Kolkata te nen thawkhovin, kuthnathawktute leh \halai mithiamte, remhria leh taima ten an thiamna leh tuina kawng hrang hrangah pui-a kawng kawhhmuhin, eizawnna zahawm an neih theih nan entrepreneurship lamah hmalak mek a nih thu a sawi a. Chungah chuan Cooperative Movement nena hma la kawp a indawm chho tawn a theih thu leh, chutianga thawhho dan \ha te ngaihtuah a \hat thu a sawi a. India ram State hrang hrang zinga economy \hang chak ber pali zinga Mizoram a tel te, kum khata India pumpuia mimal sum lakluh chawhrual aiin Mizorama mimal sum laklawh chu cheng sang chuanga a tam zawk thu te tarlangin, sawrkar hnathawkte \hahnemngaihna vang a nih thu a sawi a. Chu dinhmun aia \ha lehzual ah a awm theih thu leh, a innghahna chu kuthnathawktute a nih thu sawiin Chief Minister chuan, Cooperative Movement chu chak leh zawka kalpui a nih chuan chak lehzualin kan \hang thei ang, a ti bawk.
Nimin a Serchhip District Level Seminar on Cooperatives neih hi Lalnuntluangi Hrahsel, Chief Executive Officer, MSCU chuan kaihhruaiin, Lianthangpuia, MSCU President pawhin he hun hi hmanpuiin hetiang Seminar hi Mizoram District hrang hrangah neih tum a nih thu a sawi a. Cooperative Movement chu retheihna umbo tura chhumlo chat lova hmalakna a nih thu sawiin, Cooperative Movement chu kan ram hmalam hun atana thil pawimawh a nih thu leh chu chu ram changkang apiangin an neih a nih thu a sawi bawk a. C. Vanlalchhungi, ARCS, Ser-chhip District chuan lawmthu sawina hun a hmang bawk a. Chawhnu lamah Cooperative thil tumte leh Cooperative pawimawhna chungchangah TC. Lalchawimawii, Field Education Officer, MSCU chuan zirtirna pein he hunah hian District chhunga Society hrang hrang aiawhte an tel a ni.
Mizoram State Cooperative Union Ltd. (MSCU) hi Society \angrualin an din niin, March ni 29, 1975 khan Cooperative Department hnuaia register a ni a. Tunah hian Mizo-ram-ah Cooperative Society in register 1,500 bawr vel an awm tawh a ni. MSCU hian a thawh ber chu Mizoram district hrang hranga Cooperative Society Member-te hnenah zirtirna (Education and Training) pek a ni a; kum kalta 2017-2018 chhung pawh khan District Level Seminar 15, Youth Education Prog-ramme vawi 7 leh Cooperative Awareness Prog-ramme vawi 15 lo neih tawh a ni a. Zirtirna hi Society-te tan mai bakah \halai zirlaite hnenah zirtirna an lo pe tawh \hin a ni.

Latest News

Thuneihna semzai tum

MNF Vice President, R. Tlanghmingthanga chuan MNF a lo sawrkar chuan thuneihna sem-zai (decentralisation of power) chu a takin an kalpui d...