July thla atangin hnamdang Motor te Mizoram chhunga hnathawk tawhlo turin MTA in an hriattir

Mizoram Tipper Driver's and Owner's Association (MTA) chuan hnamdang motor-te chu Mizoram chhungah hna thawk tawhlo tura hriattirin, July 2018 a\angin tualchhung hna Mizoram-ah thawk tawh lo turin an hriattir tih an sawi a. Hnamdang motor ten hna an thawh theih tawh dawn loh avangin In sa lai leh hnadang thawkte pawhin harsatna an tawk deuh anih pawhin hrethiam turin an ngen.
MTA hruaitute hian nimin khan Bawngkawn-a an Office-ah thuthar lakhawmtute kawmin he hunah hian an President, C. Lalzarmawia chuan Mizoram Motor registration zingah hian hnamdang (Vai/ram leilung fa nilo te) motor a awm nual tih sawiin, Mizoram-a Register theihloh tur a ngaih, Mizoram lehkha pawimawh nei miahlo te pawh registered a awm nia sawiin pawi an tih thu an sawi a. The Central Motor Vehicle Rules 1989 in a lo duan tawh dan kalh a motor register te pawh a awm tih sawiin, "The Central Motor Vehicle Rules 1989 hi \ha takin District tin DTO te hian zawm se chuan, lirthei-a eizawng te hi min hum nghal dawn a. Tribal ni velo ten kan ram rawn lut tura an lehkha mamawh ber Inner Line Permit (ILP) dan zawm lo a, an ILP-in a huam baka khawsa leh sumdawng te hian min chim mek bawk a ni," a ti a. British hunlai in, hnam tlem humhim ngai kan nih avangin ILP duan a ni tih sawiin, hei pawh hian awmzia a neilo ta \ep mai chu hnam ang pawhin a pawi an ti hle tih sawiin, "Kan tribal pui Meghalaya leh Nagaland te hian harsatna tuna an tawrh ang hi keini ngei pawh hian kan hlat tawh biklo hle a ni," a ti.
MTA President chuan Mizoram chhunga Tipper-a eizawngte chu an inrinloh hlan leh an hriatloh hlanin hnamdang, ram leilung fa ni velo ten an chimral dawn tih sawiin, "Mizoram a Tipper a eizawng tam zawk te hi chu sum leh pai neihsa neilo a loan a motor la kan ni deuh vek a. Hetia hnamdang motor a rawn tam takah chuan, hnathawh tur neilo/hre mumal ta lo a leiba in chhek khawl phurrit phur kan awm ta nual a ni," a ti a. Motor Registration chungchangah hian hnamdang ten Motor Registration an tih dawna lehkha \ul DTO hnen a an thehluhte pawh RTI Act hmangin an dil chhuak nia sawiin, heng motor neitu te hi a\hen chu Mizoram-ah pawh chenglo, state danga awm te an ni tih a sawi bawk.

Popular News

PAN CARD an tih teh fo hi - Laldinpuia

Hmeichhia te hmasawnna tura hmalakna chungchang thlirho.

anduai vanga thleng tih sawi