Tunhma te ngaihtuah chuan infiamna khawvel thara cheng ang mai kan ni tawh - Vanlalawmpuii Chawngthu

Minister of State, Vanlalawmpuii Chawngthu chuan tunhma te ngaihtuah chuan infiamna khawvel thara cheng ang mai kan ni tawh a ni, a ti.

Hrangturzo bialtu MLA ni bawk, Vanlalawmpuii Chawngthu hian a pu, Ch. Selchhunga hriatreng nana a bial mipuite tana a buatsaih, 'Ch. Selchhunga Memorial Football and Volleyball Tournament' kharna inkhawm nimin a E. Lungdar tlang playground-a neih a hmanpuina ah he thu hi sawiin, Mizoram-in infiamna ruhrel lama hma a sawn nasat thu sawiin, Mizoram hmasawnna chu India ram huapa hriat hlawh a nih mek thu a sawi a. A bial chhung \halaite chu infiamna hi eizawnna tling a nih tawh thu hrilhin, theihtawp chhuaha bei turin a chah a, chutihlaiin he inelna a buatsaih chhan ber pakhat chu in\hian \hatna leh inunauna \ha zawk an neih theihna nise a duh thu a sawi a. A pu-in a ngaihtuah \hin zia leh a duat \hin zia a ngaihtuahin amah hriatreng nana Tournament buatsaih chu a tih tur dik tak nia a hriat thu pawh sawiin, hun remchang a awm a nih phawt chuan buatsaih chhunzawm zel a tum thu a sawi a. Chutihrualin tun Tournament-a a bial chhung khua te an tel kim thei lo chu pawi a tih thu a sawi a. Sawrkarin tunhnaia Hrangturzo bial chhunga infiammi te tana hma a lakna tlangpui sawiin, E. Lungdar leh N. Vanlaiphai-ah Mini Sport Complex sak mek a nih thu a sawi a. Ruahmanna te a kaltluan chuan hei aia lian zawk hmalakna pawh a awm thuai a beisei thu a sawi bawk.

He Tournament hi tun thla ni 3 khan East Lungdar-a PHE SDO, Samuel LR. Ralte chuan a lo hawng tawh a, Mipa-ah Football-ah Team 8, Volleyball-ah Team 11 leh hmeichhe Volleyball-ah Team 6 ten intihsiakna an nei a. Volleyball Mipa-ah N. Vanlaiphai chu champion in lawmman Rs. 20,000/- leh trophy an dawng a. Hmeichhe Volleyball-ah Bungtlang Venghlun chu champion in Rs. 10,000/- leh trophy an dawng a. Nimin khan Football Final khelin N. Mualcheng leh E. Lungdar ten Final an khel a, hun pangngai ah 4-4 a an inhnehtawk hnuin Tie break-ah E. Lungdar hi 7- 6 in an chak a. Champion hian lawmman pawisa fai Rs. 40,000/-, Trophy leh Jersey set thar an dawng a, pahnihna hian pawisa fai Rs. 20,000/- leh Trophy an dawng bawk.