Tang tlanchhuak te man leh

Serchhip-a Excise & Narcotics Department ten ruihhlo kaihhnawiha an man mi 3 te chu nimin-piah khan Court a\anga hawpui an nih laiin an tlanchhuak a, nimin khan Chhingchhip-ah man leh an ni.

Serchhip-a Excise & Narcotics Department ten ruihhlo kaihhnawiha an man mi 3- Vungliankap (48) S/o Kangdala, Hrianghmun, Champhai District; Malsawmtluanga (27) S/o Zadingliana, Zemabawk leh Nangsiankhai (18) S/o Gintuanthang, Tuimang (Myanmar) te hi Serchhip District Jail-ah dah niin midang 6 te nen niminpiah khan Handcuff bun tirin Serchhip District Court-ah an thubuai ngaihtuah tura hruai an ni a, Court a\anga hawpui an nih laiin ruahsur tam lai khan an chuanna Motor, Gypsy leh Motor lian inpel tur tlanmuan laiin Motor a\anga zuangchhuakin Chhiahtlang Chanmari Veng-a mi kawmkarah an putbo nghal a, heng tang hruaitute hi mi pahnih chauh an nih avangin man leh tumin umzui mah se an man hman ta lo a ni.

Heng mi tang tlanchhuak te man tum hian Excise Department-a thawk te chuan hma la zuiin Serchhip leh a chhehvel khaw hrang hranga YMA leh VC te pawh hriattir nghal an ni a, nimin chhun dar 1:30 vel khan Chhingchhip Venghlun-a YMA duty te leh Excise Department te chuan an man leh ta a ni. Serchhip-a Excise & Narcotics Department chuan heng mite man an nih theihna tura tlawmngai hma lo lakpuite zawng zawng chungah lawmthu an sawi tih an sawi bawk. Heng tang tlanchhuak zing ami Vung-liankap hi Heroin Gram 11 man sak avanga man niin Nangsiangkhai leh Malsawmtluanga te hi Ganja Kg. 18 man sak vanga man an ni bawk a, heng mite hi thla kalta, April thla tir lama man kha an ni.