Thubuai tihtawp ram leh hnam humhalh kawngah Zofate tan rahbi pawimawh ah MZP in an ngai

MZP chuan Mizoram Chakma Students' Union (MCSU) te'n Mizo Quota-a Technical Course zir tur thlan dan chungchanga Mizoram swkar an khinna Court-in a titawp (dismiss) chu lawmawm an tih thu sawiin, ram leh hnam humhalh kawngah Zofate tan rahbi pawimawh ah an ngaih thu an sawi.
MZP General Hqrs. hruaitute hian Inrinni khan Aizawl Press Club-ah thuthar thehdarhtute kawmin ram leilung fate huangah Chakma dah an nih avang leh hei hi Mizoram mi leh sa dik taka an inchhal theihna tur thil a nih avangin kum 2014 khan Mizo zirlaite'n Mizoram Sawrkar karin, Zirlaite leh Mizo mipuite \anrualna avangin Mizoram sawrkarin ram leilung fate huang a\angin Chakma chu a dah chhuak ta a, chu chu Mizoram Chakma Students' Union (MCSU) hian duh lovin Gauhati High Court-ah PIL an thehlut ta a ni. Chu case chu tihtawp a lo ni ta a ni tih hi Mizoram sawrkar hian hria se an duh thu an sawi a, ram leilungfa nilo te kan chanvo min chuhpui avanga zirlaiten an beihna a thlawn lo a, kan tawrhna te avanga tun dinhmun thleng an nih thu sawiin, MZP hruaitu jail lo tang zawng zawng te leh zirlai Police vuak tuartu zawng zawng te, mahni theih ang anga tha thawhtute leh ngaihtuahna lo sengtu Mizo mipuite chungah lawmthu an sawi bawk.
MZP hruaitute chuan Mizoram Quota-a Technical Course zir tur thlan danah harsatna a awm \hin avangin kum 20 vel liamta ah Dan siam an lo phut tawh tih sawiin, June ni 7, 1999 khan 'The Mizoram (Selection of Candidates for Higher Technical Couses) Rules,1999' chu siam a nih thu leh he Rules hnuaiah hian Technical Course hrang hrang zir turte thlan dan felfai taka siam niin, Mizo zirlaite tana ham\hatna awm tam thei tur ang bera duan a ni tih an sawi a. Ram leilung fate awmna tur Category I-ah Chakma an lo awm kha MZP-in a duhloh a nih thu leh foreigner ni lova Mizoram leilung faa an inchhal theihna tur a nih avangin Mizo zirlaite'n he thil hi na takin an dodal ta tih an sawi a. Zofate chanvo hi a ram leilung fa Zofate ngeiin kan chan zel theih nan MZP chuan a theihtawpin hma a la chhunzawm zel dawn tih an sawi bawk.
MZP hruaitute chuan Mizoram Quota-a Technical Course hrang hrang Exam a lo hun leh dawn ta tih sawiin, Technical Course hrang hrang zir tur thlan chungchangah Dan hman mek-a Categoty-I a tel tur hrilhfiahna- 'Indigenous (Zo-Ethnic) people of the state of Mizoram' a tih chungchangah a dinna ngaiah an la ding reng tih sawiin, Mizoram Quota-a Technical Course zir tur thlanna ah ram leilung fate huang Category I-ah Chakma dah turin chhuanlam a awm tawh lo tih Mizoram sawrkar hian hria se, Category I-ah ram leilung fate chauh dah tawh tur leh Chakma lawmna tur zawng lo turin Mizoram sawrkar an beisei thu an sawi bawk.

Popular posts from this blog

PAN CARD an tih teh fo hi - Laldinpuia