MNF Vice President in Leiba ngah chunga Per capita Income sang a ropui lo tih sawi

MNF Vice President, Dr. R. Lalthangliana chuan leiba ngah tak chunga per capita income sang chu a ropui lo tih sawiin, mihausa ten retheite an hliahkhuh vang a nih thu a sawi.

Aizawl South-III MNF Block in Sialsuk khuaa 'SEDP Training Programme' an buatsaih a hmanpuina ah he thu hi sawiin Dr. R. Lalthangliana chuan, "Kumin Budget cheng vbc. 9492.38 a ni a, Budget hi a lu nungin insem ta ila, mi pakhatin cheng nuai khat dawn kan chang ang. Chutih laiin nau piang hlim hlawl hian Rs. 70,000/- leh 80,000/- inkar vel leiba nei nghal ang kan ni," a ti a. India ram State lian Uttar Pradesh leh Maharashtra-ah te pawh mimal tin leiba cheng singthum an pelh loh laia Mizoram-ah cheng singsarih chuang mimal tinten Ba ang kan ni chu a mualpho thlak takzet tih sawin, "Tuna mimal tin sum deh chhuah (per capita income) sang vak anga lang hi belhchian dawl lo, thawhchhuah tak tak awm lo, Minister leh sawrkar hnathawk lian te sum lakluh sang uchuakin thawhchhuah nei ve lo, retheite min hliah vang mai mai zawka sang anga lang, kuthnathawkte la retheih belh rengna a ni,” a ti.

Dr. R. Lalthangliana chuan SEDP chu NLUP nen a danglam nasa hle tih pawh sawiin, NLUP chu semah a tawp a, SEDP chuan chhungtin ten leirem an rah ve theihna tura hlawhtlinpui ngei chu a tum ber a ni tih a sawi a. "Kawng \ha, zirna \ha, electric leh tui in tur \ha neihna tur te, hriselna lam leh \halai tan te, mihringte khawvela mamawh phuhrukna zawng zawng a huam vek a ni," tiin Budget Session hmasa berah cheng vbc. 1000 chuang fe an dah nghal dawn tih a sawi a. "SEDP kan ruahman hian khawvel tukverh leh India a dak chhuak a. Ruahmanna lian tak kan siamah hian sum mamawh a sang dawn a, heng sumte hi ngaihtuah chawp ngai lovin a awm sa vek ang tih hre duh chuan SEDP buaipuitute a zawh theih reng," a ti bawk.

MNF Party thuchhuah in a tarlan danin MNF Vice President, Dr. R. Lalthangliana hian Samlukhai, |hiak, Sumsuih leh Chawilung a\angin MNF zawmthar mi 117 a lawmlut nghal tih pawh tarlangin heng zingah Sumsuih-a Congress VC thlantlin pawh a tel thu leh Congress VC aiah MNF VC a pian thu an tarlang bawk.