Lok Sabha Inthlanpui vawi 18-na Vawiin ah nei tan dawn

India ram Lok Sabha Inthlanpui vawi 18-na chu Vawiin hian neih tan a ni dawn a, Chief Election Commissioner Rajiv Kumar chuan Vote nei te chu Vote thlak theuh turin a sawm a ni.

Chief Election Commissioner Rajiv Kumar chuan democracy ram India in ram hruaitute thlang tura Vote thlak hun a siam chu thil hlu tak leh mawi tak a ni tih sawiin, he hun a lo thlen leh takah hian vote nei chin ten an hlutna tilangin vote thlak theuh se tiin Vote thlak thawhkhatnaah vote nei te tel vek turin a sawm a. “Kum 2 chhung Election Commission of India in a lo buaipui tawh a, tluang tak leh awlsam taka vote thlak anih theih nan Official te pawhin ruahmanna hrang hrang an siam a ni,” a ti. CEC chuan vote thlak pawimawh zia sawiin, “Vote i thlak khan i State aiawhin hruaitu i thlang a ni a, i chhungte leh thenrual tha te pawh sawm chhuakin dan hnuaia vote khat power i neih kha hmang tangkai ngei la,” tiin thalai zawng zawngte pawhin he hun hlu hi hmang tangkai ngei se a duh tih a sawi bawk.

Lok Sabha inthlan thawh khatna ah hian State 17 leh Union Territory 4 huamchhunga Bial 102-ah Vote thlak a ni dawn a. Tamil Nadu-a seat 39, Rajasthan-a Seat 12, Uttar Pradesh-a Seat 8, Madhya Pradesh-a Seat 6, Uttarakhand, Assam leh Maharastra-ah Seat 5 theuh, Bihar-a Seat 4, West Bengal-a Seat 3, Arunachal Pra-desh, Manipur leh Meghalaya-a seat hnih theuh leh Chhattisgarh, Mizoram, Nagaland, Sikkim, Tripura, Andaman and Nicobar Island, Jammu and Kashmir, Lakshadweep leh Puducherry-ah Seat pakhat theuh ah Vote thlak a ni ang.

India ram Lok Sabha Inthlanpui vawi 18-na hi thawh 7-ah neih a ni dawn a, Vawiin hian a thawh khatna in Vote thlakin April 26, May 7, May 13, May 20, May 25 leh June 1-ah te Vote thlak leh a ni anga, Vote tla te hi a rualin June 4-ah chhiar tur a ni ang.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result