Inthlan kum lo-ah pawh thlaithar lei zel tum

Mizoram Agriculture Marketing Solution (MAMSol) chuan kut hnathawktute thlai thar-chhuah chu inthlan kum lo-ah pawh lei zel an tum tih an sawi.

Nimin khan MAMSol hruaitute te hian Aizawl-ah chanchinbumite kawmin, tuhnaia sawrkar nen an \hutkhawmna kalzela Sawhthing an lei tur chungchang an sawifiah a, MAMSol Chairman, T. Lalthlamuani chuan tunah hian Sawh-thing leina turin Mizoram hmun hrang hrangah Collection Centre 24 an siam tawh tih a sawi a, nikum leh kum hmasa lamah te Sawhthing man a tlakhniam nasat avangin a hralhna kawngah namen lovin a harsa a, Bagha-ah kg 1 Rs. 4 in an lei a, Sawhthing chingtute tan a beitham em avangin MAMsol chuan nikum khan Bairabi ah Kg 1 chu motor a phurhna man nen Rs. 11/- in an hnena lokal te chu an lei sak tih a sawi.

MAMSol Chairman chuan ramchhung a state hrang hrang leh rampawn Bangladesh ah Sawhthing hralhchhuah theih anih na turin hma an lak thu sawiin, tunah hian an hmalakna kal zelah Sawhthing man zat a tlawm bera Rs. 12/- ni tura an bituk avangin ramdang a\anga Sawhthing leitum ten a man khum an duh zel avangin hmun hrang hrang ah Sawhthing man a sang cho zel tih an sawi a, tun dinhmun ah Sawh-thing man hi Rs. 20 a\anga Rs. 36-ah te a kai chho mek tih an sawi bawk.