Congress ngaihhnathiam an ngai lehzual - Zoramthanga

MNF President, Zoramthanga chuan Congress chu ngaihhna-thiam an ngai lehzual ta niin a sawi.
Nimin a Aizawl Mizo Hnam Run-a Chhung Inkhawm neih ah MNF President, Zoramthanga chuan thu sawiin Chakma Autonomous District Council (CADC)-a BJP leh Congress inkawpin sawrkar an siam tak chungchang sawiin, "Congress hi India ramah nasa takin an tlachhia a, State 29-a inthlanna ah an tla ta zel a. Helaia an bupui Chakma Area-ah tak ngial pawh an tlakchhiat leh tak zel avangin an zam ta lutuk a; an huat ber leh an lo beih nasat em em \hin BJP hmaah an va kaikun ta ringawt mai a ni," a ti a. "BJP General Secretary Pu Hmuaka chuan, 'Mi tupawhin puanthuah tela kan bathlara an rawn invawmluh chuan lo petchhuah ngawt chu tih chi niin kan hre lo a ni' a lo tih angin petchhuah an ni ta lo hlauh a, hetiang hi an boruak kal dan a nih avangin BJP pawh hian an tih-awm tak an ti a, dem lutuk tur pawh an ni bik love," a ti a. Insawimam a \ul tak em avangin Congress hotupa ber pawhin 'Mizorama kan thawhpuite hi chu Hindu BJP an ni lova, Buddhist BJP chauh an ni e' tiin a sawi niin a sawi bawk.
MNF President, Zoramthanga chuan, "Kan khingpuite hi an chesual chho nasa tawlh tawlh a, kan khingpuite chetsualna hian keini MNF hi min chawikang zual zel a ni. Chuvangin Congress-ho pawh hi an dinhmun chauh tawhzia hriain ngaihhnathiam an ngai nasa lehzual ta a nih hi tih i hria ang u," a ti bawk.

Popular News

PAN CARD an tih teh fo hi - Laldinpuia