AMCRA ten an mi puh te lakah ngaihdam an dil

All Mizoram Car Rental Association (AMCRA) chuan an thil nawr chungchangah thil hriatsual a awm tih sawiin, Adviser to Chief Minister TBC. Lalvenchhunga leh SCERT Deputy Director Florence Lalrinpuii bakah ZPM lakah ngaihdam an dil.

Nimin-a Aizawl Press Club a thuthar thehdarhtute an kawmna ah AMCRA hruaitute chuan April 4, 2024 zan-a Assembly an neiha Press Release an siam chungchang sawifiahin, “All Mizoram Car Rental Association in kan thil nawrna chungchang ah hian thil hriatsual a awm avangin TBC. Lalvenchhunga, MLA (Adviser to Chief Minister) leh Florence Lalrinpuii (SCERT) Deputy Director te, ZPM party te pawi kan sawi a ni tih kan hria a, keini AMCRA chuan pawi kan ti takzet a ni,” an ti a. Hemi chungchang ah hian thiamlohna emaw, inhnamhnawihna an neilo tih mipuite hriat tura puangin, “Pu TBC. Lalvenchhunga, kan MLA zahawm tak hi inrawlhna a nei miahlo tih kan hria a, hetianga dawta kan puh a ZPM Party tihmingchhetu hial anga kan sawi kha kan tih dik lo zawk ni. A ni hi Party tana mi tangkai leh party tana mi hlu tak a ni a, hetianga kan puh hi kan thiamloh tak meuh a ni,”an ti bawk.

AMCRA hruaitute chuan Resolution an siam leh Press Release thu kal zelah Aizawl DC Nazuk Kumar IAS chuan AMCRA Office Bearers te hi ko in chutah chuan an harsatna leh buainate a zawh angin an sawifiah tih a sawi a. Ani pawhin an harsatna thlen chu awm a tihpui thu leh tun hnuah chuan Association kaltlangin motor hman tur a awm a nih pawhin an in ko tawh thin dawn nia tiin a tiam niin an sawi a, lawmawm an tih thu an sawi bawk.

Comments

Popular News (Last 30 Days)

Vawiin-ah HSLC result

Vawiin-ah HSSLC Exam result