Aizawl-a thil ruk hrat man a ni

Aizawl SP Rahoo Alwal chuan tunhnaia Aizawl hmun thenkhata mi thil ruk ching mi pahnih an man thu a sawi.

Nimin-a Aizawl SP Conference Hall-a thuthar thehdarhtute a kawmna ah Aizawl SP chuan Aizawl chhunga Police Station hrang hranga rukruk thubuai paruk chu a ti tu thuhmun a ni tih chhuichhuah a ni tih a sawi a, Vohbik Malsawm-dawngzela (23), Darlung khua, tuna Zemabawk a khawsa mek chu Aizawl PS-a thubuai pahnih, Bawngkawn PS-a thubuai pathum leh Kulikawn PS-a thubuai pakhatah te a inhnamhnawih ngei a ni tih finfiah a nih thu a sawi a ni.

Aizawl SP chuan Mizoram CEO Madhup Vyas a chenna, MINECO-a thirsakawr bo an chhuina ah Malsawmdawngkima (33), Bungkawn Veng a khawsa chuan a ruk ngei thu leh hemi bakah hian Aizawl Police Station-a rukruk thubuai pathum ah a inhnamhnawih thu a sawi tih a sawi bawk a. Tunlaiin Aizawl khawpui chhungah rukruk a hluar hle ni a sawiin, chhung tin te fimkhur lehzual turin a chah a, mimal leh tlawmngai pawlte chu rukruk venna leh a man chhuahna kawngah, CCTV Camera tun ai a hmang uar deuh deuh tura a duh thu a sawi bawk a ni.