Serchhip DFA General Body Meeting-ah hruaitu thlan a ni

Serchhip District Football Association (SDFA) chuan nimin khan General Body Meeting neiin kum 2018-2021 chhunga an hruaitu tur thlanna an nei.
Serchhip District Football Association (SDFA) General Body Meeting Serchhip Sports Complex Meeting Hall-a neih hi SDFA Sr. Vice President, Lalthankima Ralte chuan kai-hruaiin khuallian nia he hun hmanpuitu Serchhip SP leh SDFA Adviser ni bawk, Lalringdika, MPS chuan Serchhip in infiamna lamah nasa taka hma a sawn nia a hriat thu leh Football-ah pawh hmasawnna tam tak hmuh tur a awm nia a hriat thu a sawi a. Khawvel hmun hrang hranga miharsa tak tak zingah Football avanga hlawh-tlinna changa mi ropui lo ni ta leh kan hriatlar zui ni ta tam tak an awm thu sawiin, hei vang hian retheihna leh harsatna chu Football-a hlawhtlinna dal theitu a ni lo tih hre turin he huna kalkhawm te chu a chah a. Serchhip-ah infiamna hmunhma hrang hrang sawrkar in a siam thu tarlangin, heng infrastructure te hi infiamna kawnga hmasawnna pawimawh tak a nih thu a sawi bawk.
SDFA General Body Meeting-ah hian Lalthlamuana Ralte, Hony. Secretary hnen a\angin report ngaihthlak niin SDFA hnuaia Zone hrang 7 te report pawh ngaihthlak niin chawhnu lamah an President, Zomuana Hnamte kaihhruaiin rorelna an nei a. Hemi hnu hian kum 2018-2021 chhunga an hruaitu tur thlanna neiin President-ah Zomuana Hnamte (Saron Veng), Sr. Vice President-ah Zolianmawia (Vengchung), Vice President-ah Lalthankima Ralte (Ramthlun Veng), Hony. Secretary-ah Lalthlamuana (Vengchung), Joint Secretary-ah Lalrinawma Kawlni (Ram-thlun Veng), Treasurer-ah Vanlalvuana (P&E Veng) leh Fin. Secretary-ah Lalremruata Ralte (Hmar Veng) te thlan an ni.
Serchhip District Football Association hnuaiah hian Zone 7 awmin 1st Division Club 8 leh 2nd Division Club 13 an awm mek a ni.

Popular posts from this blog

PAN CARD an tih teh fo hi - Laldinpuia