Mizo ten kan la neih ngai reng reng loh Medical College Falkawn hmunah kan nei dawn ta - Chief Minister

Falkawn-a State Referral Hospital-a Mizoram Institute of Medical Education and Research (MIMER) din tur chu Medical Council of India-in a pawmpui tawh tih Chief Minister, Lal Thanhawla chuan a puang.

Nimin a Aizawl Congress Bhavan Golden hall-a Political Session neih ah MPCC President leh Chief Minister ni bawk, Lal Thanhawla chuan thu sawiin hun engemaw chen kal tawh a\anga Mizoram-a in Medical College din tura hma an lo lak tawhna chu a hlawhtling dawn thu leh Medical College hi din ngei a nih tur thu sawiin, Medical Council of India (MCI) hian Mizoram Institute of Medical Education and Research (MIMER) din a remtihna hi niminpiah khan Sawrkar laipuiah a thehlut nia sawiin, hemi atana Order chu niminpiah tlai khan lakchhuah nghal tum ni mah se, an lova peih hman loh avangin nimin khan lak chhuah theih beisei a ni tih a sawi bawk.

Chief Minister chuan, sawrkar hmasa lamah Falkawn-a State Referral Hospital chu ngaihsak a nih loh thu leh a nih tur ang taka chhawr \angkai a nih loh thu sawiin, an sawrkar ve leh \angkai zawka hman dan tur an ngaihtuah nghal niin a sawi a. Sum tam tak senga phai lama inthawn buai ngai lo turin he College behchhan tur Falkawn-a State Referral Hospital chu khawl \ha ber ber hmanga thuam a nih thu leh mi tam zawkin an chhawr theih nan thuam\hat mek a nih thu pawh a sawi a. Medical Collge chu thil namai a ni lo nia sawiin, tunhmaa Sawrkar lo awm tawh te khan din tur a ni tih chu ngaihtuah pawh an la ngaihtuah ngam lo niin a sawi bawk.

Falkawn-a State Referral Hospital hotute hnen a\anga thudawn danin, Medical College din chunchanga India rama thuneitu sang ber, Medical Council of India hian Falkawn-a State Referral Hospital-a Medical College din tur hi \um engemaw zat an lo enfiah tawh a. Medical College din tura Mizoram Sawrkar inbuatsaihna chu \ha thawkhat bawk mah se, a nih tur ang a la nih phak loh deuh avangin College din phalna hi an pe mai thei lova. MCI hian Mizoram Sawrkar ngen angin Falkawn-a State Referral Hospital hi tunhnai khan enfiah lehin, Medical College din phalna hi a pe ta a ni.