Wednesday, 28 March 2018

Chenna In neilo tan sawrkar in sum dawng dawn

Mizoram-a chenna In nei lo chhungkaw 15,798 te In sakna turin sawrkar chuan cheng nuai 236.97 a dawng dawn.
Hemi chungchang a sawrkar thuchhuah tarlan danin PMAY-Housing For All (Urban) hnuaia In nei loten In an sak ve theihna tur hi Beneficiary-Led Construction (BLC) component hnuaia mi a ni a, chhungkaw pakhatin Rs. 1,50,000/- \heuh an dawng dawn a. He pawisa hian Mizoram chhunga Urban area 23 te chu a huam vek dawn a ni. UD&PA Minister, Zodintluanga chuan mi harsa zawkten In an lo neih ve theih nana DPR hautak zet mai siam leh buaipui a, a hlawhtlinna kan hmu ta chu Department-a thawktute thawhrimna rah a ni tih sawiin, Department-a thawktute zawng zawng chungah lawmthu a sawi bawk.
Sawrkar laipuiin In neilo te tana In sak sakna tur a ruahman, Pradhan Mantri Awas Yojana-Housing For All (Urban) a kalpui mekah Mizoram chhungah Aizawl khawpui leh Census Towns 22 atan Mizoram Swrkar-a UD&PA Department chuan Housing Demand Survey neiin In sakna neilo te tan dilna hun a hawng a. Hetiang In sakna dil thei chu mi harsa zawk (Economically Weaker Section –EWS), In nei lo leh kum khat chhunga sum lak luh zawng zawng nuai thum aia tam lo te an ni. India Sawrkarin PMAY-HFA a kalpui \an tirh a\angin Mizoram State chuan theihtawp chhuahin, District tinah DC kaihhruaina hnuaiah District Screening Committee kaltlangin PMAY-HFA Guidelines sawi anga dil thei ngei an nih leh nih loh enfiah leh thlitfim an ni a, dil thei ngei an nih chuan a diltu apiang chu thlei bik nei lovin DSC hian Sawrkarah a thlen zel a ni.
Mizoram chhunga Urban area hrang hrangah Demand Assessment neih hnuah Mizoram Sawrkar-a UD&PA Department chuan application a dawn zawng zawng 39,696 a\angin 29,354 chu dil thei (eligible) an ni ngei tih a finfiah hnuah DPR siamin Central Sawrkar-ah dilna a thehlut a ni. Demand survey hi State dang aia kan tihzawh hma avangin Ministry of Housing & Urban Affairs hotute chuan sanction hmasak zingah Mizoram chu a telh a, hmalakna hmasa atan Aizawl leh Lawngtlai thlangin Aizawl-ah beneficiary 846 leh Lawngtlaiah beneficiary 500 tan sanction hmuh nghal a ni a, a rang thei ang berin kalpui nghal a ni. 
Amaherawh chu Swrkar kalphungah beneficiary-te hnena pawisa direct-a pek tur a nih avangin engemaw zat thlan tawh sa te zingah Bank Account leh Aadhaar Card fel loh vangin duh angin hmalak zung zung a ni thei lo a, mahse Bank Account leh Aadhaar Card chungchanga harsatna te chu tun dinhmunah chuan a zualpui sutkian a ni tawh tih sawrkar thuchhuah chuan a tarlang bawk.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...