Tuesday, 29 May 2018

LTHSS in kumin a HSSLC Exam result lawmna an nei

Lal Thanhawla Higher Secondary School, Serchhip chuan kumin HSSLC, pawl 12 exam-a an School result chhuak lawmna nimin khan an nei.
LTHSS Serchhip in HSSLC Exam result chhuaka an result lawmna hun an School-a neih hi he School Managing Board Chairman, PC. Vanlalsawma chuan kaihruaiin Rev. Dr. PR. Hmuaka chuan hunserh hmangin fuihna thu a sawi a. He School in result \ha tak an nei chu lawmawm a tih thu sawiin, mihring dam chhan ber chu Pathian chibai buka a ropuina hriaa hlim taka a rawng bawl a nih thu a sawi a. Sual huat dan chu Lalpa \ih a nih thu leh Lalpa \ih chu finna bul a nih thu sawiin, he huna tel zirlaite chu zu leh ruih-theih thil a fihlim turin a chah a. Ruihtheih thil-a ho te te-a ngaih te chu a aia \halo zawk tihna tura kailawn awlsam tak a nih avangin ruihtheih thil reng reng laka inthiarfihlim turin a chah bawk.
He hunah hian he School Principal, C. Lalchunglura chuan report pein he School hi kum 2011-a din a nih a\angin HSSLC result an nei \ha \hin viau a, tun thlengin mi 550 velin HSSLC hi pass tawhin kumin a\ang hian zirlai ten English an thiam lehzual theih nan uar zawkin Teaching pekna atan English an hman dawn thu a sawi bawk. Lal Thanhawla HSS Serchhip a\ang hian kumin khan Arts-ah zirlai 64 exam in 58 an pass a, Commerce-ah zirlai 6 exam in 3 an pass bawk a, Distinction-ah zirlai 2 pass in 1st Division-ah zirlai 21, 2nd Division-ah zirlai 30 leh 3rd Division-ah zirlai 8 an pass bawk a ni.
Nimin a result lawmna hunah hian School Managing Board a\angin Treasurer, K. Chawi-liana chuan thu sawiin he School Managing Board Member, zirlai nu leh pa leh zirlaite he hunah hian an tel a, result \ha lawmna thingpui an in ho nghal bawk a ni. Lal Thanhawla HSS Ser-chhip-ah hian tunah hian Admission hawn leh mek niin tun thlengin pawl 11-ah zirlai 87 leh pawl 12-ah zirlai 69 an awm mek a ni.

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP