Paper siamna ah YMA nen thawhho dan awm se duh

Changel a\anga lehkha a siamchhuah a\anga Mizoram Kailawn 2017-a lawmman pakhatna latu, Lalsiamthara, Serchhip chuan Changel a\anga paper an siamchhuah ah YMA nen thawhho dan awm se a duh thu a sawi.

Niminpiah-a Serchhip DC's Conference Hall-a Mizoram Flagship Prog-ramme, New Economic Development Policy (NEDP) hnuaia hmalakna pakhat, Mizoram Kailawn, 2018 chungchang inhrilhhriatna hun ah he thu hi sawiin Lalsiamthara chuan, YMA-in Mizorama Paper Mill din an duh thu sawrkarah an thlen tawh a, mahse sawrkarin ramngaw tichereu zawnga Paper Mill din \ha a ti lova, tunah hian ramngaw suat lo zawnga changel a\anga paper siamchhuah lamah hian YMA nen thawhho dan awm se a duh thu a sawi a ni.

Lalsiamthara chuan Entreprenuer te tana sawrkar hmalakna chu faktlak a nih thu pawh sawiin, sawrkar policy te chu hlawhtlinna atana hman tum turin kalkhawm te a sawm a. Mizoram Kailawn 2017-a an inel dan leh Entrepreneurship Development Scheme (EDS) hnuaia training hrang hrang an neih dan leh a hlawkpui dan te pawh sawiin, hriatchian duh nei te tan pawh amah biak theih reng a nih thu a sawi bawk.