ZNP President in BJP nena sawizawm sawifiah

ZNP President, Lalduhoma chuan ZPM Streering Committee in BJP chungchanga thutlukna a siam tak avangin buaina tur engmah a awm tawh lo tih a sawi.
Nimin khan ZNP Office, Aizawl-ah ZNP President, Lalduhoma hian thu sawiin BJP nena sawizawm an nih chungchang a sawi a. lalduhoma chuan Central BJP hotute leh Mizoram-a an hotu te’n an kawm ve zeuh zeuh tih sawiin, “Kei akar hi min it der in, an party a lut tur te pawhin min sawm \hin a, kei chang lo pawh midang tam tak MNF leh Congress hruaitute thlengin an sawm niin ka hria. BJP-a luh hi chu kan thei lo tih chiang takin ka hrilh \hin a ni,” a ti a. Party hruaitu chuan an hmalama an kawng zawh tur atana kawng hrang hrang lo daplawk chu an mawhphurhna a nih thu sawiin, “Thutawp siam theitu kan nih loh avangin, a rel theitu Committee hmaah chutianga kawng kan lo dap te chu thlen a nih hnuah chauh thutawp chu Committee chuan a siam \hin a ni,” a ti bawk.
Lalduhoma chuan hetianga BJP hotute nena an inkawm chang pawh hian Central-a sawrkarna changtu an nih avanga in\hian\hat an duh thu te, a thu a zira thawhho pawh an remtih mai theih a rin thute a sawi \hin tih sawiin, chu chu mipuite hmakhua an ngaih vang a nih thu a sawi a. “Amaherawh chu, BJP hotute hian thawhho an duh dan engmah sawichian an la neih loh avangin kei pawhin ZNP leh ZPM-a kan hotute hnena thlen tur engmah ka la nei lova, thlen pawh ka la thlen hek lo,” a ti a. Kumin March 20-a ZPM Val Upa Council \hukhawm hmaah BJP hotute nena an inkawm dan hi a report tawh thu a sawi bawk.
ZNP President chuan ZPM angin BJP chungchang hi an la ngaihtuah ngai lo tih pawh sawiin, niminpiah (May 2, 2018) khan ZPM Streering Committee-in a vawikhatna atan an ngaihtuah thu sawiin, “Chutah chuan - Mizo mipuite hi BJP lakah kan fimkhur hle a ngai dawn niin kan hria a. Hei vang hian ZPM chuan BJP nena inzawmna neih loh a him ber ang tih lungrual takin kan tithlu ta a ni,” a ti a. Chuvangin, tunah chuan ZPM Streering Committee in BJP chungchanga thutlukna a lo siam tak avangin buaina tur engmah a awm tawh lo tih hi mipuite hriattir a duh thu a sawia bawk.

Latest News

Minority Scholarship chungchanga hriattur te

Minority Scholarship chungchanga hriattur te - Laldinpuia

Popular News