Central Jail-ah Skill Training hawnna neih a ni

District Legal Services Authority, Aizawl bultumin Central Jail a tang mek hmeichhia te tan Skill Training buatsaih a ni.

He Training hi Inrinni khan a hawnna hun hmangin Gauhati High Court Judge Justice Marli Vankung chuan a hmanpui a, Jail tang mekte chu thahnem ngai taka Skill Development training chu kalpui tura sawmin, an thil zirte hmanga khua leh tui tha ni tur leh Pathian zahna thinlung pu zel turin a chah a; Jail tang hmeichhiate mamawh infiamna bungraw hrang hrang a hlan nghal bawk.

Skill Development training hi National Legal Services Authority Scheme atanga ruahman niin Jail tang mekte chu an tan chhunga nunphung pangngai an zawh theihna turin training hrang hrang pek an ni dawn a,  tun tumah hian Chhang ur, Puanthui, Puantah, Beauty Culture leh Sam tan bakah eitur chi hrang hrang siamdan te zirtir an ni dawn a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar