Lirthei chetsualna ah mi 1 in nunna chan

Nimin chawhnu dar 2:00 vel khan Serchhip a\anga Mausen pan 207 Truck chu Thenzawl dai-ah chesualin mi pakhat in nunna a chan a, mi pathum ten hliam an tuar bawk.
Thenzawl Police hotute hnen a\anga thu kan dawn danin he 207 Truck (Mz-06/1800) hi Biakkhuma Chhangte (L), New Serchhip Bazar Veng ami ta niin Electric Department hnuaia inhlawhfa tur mi mi 11 bakah Driver te Lalremruata, New Serchhip te chuangin nimin chhun dar 12:00 vel khan Serchhip a\angin Mausen panin a chhuak a, Thenzawl leh Buangpui inkar, Chawngchilhi Puk bulah chesualin kawngthlang ah a tlanliam a ni. He vanduaina thleng ah hian a hmunah nunna chan awm lovin hliam tuar te damdawi In panpui an nih hnuah Lallawmkima (27) s/o Hrangchhuana, New Serchhip chuan a hliam tuar lovin a boral zui a, Laldinthara s/o Lianmawii, New Serchhip, Vanlalnghaka s/o Kawlhmingliana, New Serchhip leh Malsawmtluanga s/o Chawngzikpuii, New Serchhip \heuh te chuan hliam tuarin Laldinthara hian thisen a hloh hnem deuh a, midang erawh ngaihtuahawm an ni lo thung. He vanduaina a nunna chan Lallawmkima ruang hi Vawiin ah vuiliam a ni ang.

Popular News

PAN CARD an tih teh fo hi - Laldinpuia

YMA Day pual Article :