Darnam Branch YMA ten chenna In sak hnatlang nei

Serchhip Darnam Branch YMA te chuan an huamchhunga Hmeithai pakhat chenna In sak chu nimin khan hnatlangin an chhunzawm pui.
Serchhip Darnam Branch YMA te hian an huam-chhunga hmeithai, Lalngilneii (51) te chenna In sak sak hnatlang hi nimin khan neiin mi 23 an thawk-chhuak a, Lalngilneii hi pasal nei tawh lo niin tunah hian a vah, naupang 2 leh puitling, hnathawk theilo mi 1, an vaiin mi 3 a enkawl a, chenna In neilo niin an unaupa te chenna an fin a, an In-ah hian an chep avangin an theih ang angin an In tur hi an tuak a, amaherawh chu an sak theih loh avangin Serchhip Darnam Branch YMA te hian an In tur hi an sak sak ta a ni.
He In hi thingtuai leh Dap hmanga sak niin a chhuat pawh lei ring-a siam a ni a, In hi a dung ft. 22 leh a vang ft. 18-a zau a sak niin a chung atan Rangva hman a ni a, a chung hi Se-Thlam a tih tur a ni. He In sakna atan hian Serchhip DC Office a\angin Rs. 5000/- leh Serchhip-II Village Council a\angin Rs. 5000/- hmuh a ni a, a chung tur hi Serchhip-II VC leh Darnam Branch YMA te chuan an tum sak a, a chhuat hi Cement-a la plaster tura ruahman a ni bawk. Ser-chhip Darnam Branch YMA te chuan In hi luah theih thlenga sak chhunzawm hna an thawh dawn thu an sawi bawk.

Popular News

PAN CARD an tih teh fo hi - Laldinpuia