PRISM in Serchhip tana hmalak an tum dan puangin Intodelhna atana hmalakna hmunpui pakhat ah Mat phai hman tum

PRISM Party President, Vanlalruata leh a thawhpuite chuan nimin khan Serchhip-ah thuthar thehdarhtute kawmin Serchhip District tana PRISM party hmalak tum dan leh ruahmanna hrang hrangte an sawi a. Mat phai chu intodelhna atana an hmalakna hmunpui pakhat a ni dawn tih an sawi bawk.

Nimin-a Serchhip-a thuthar thehdarhtute a kawmna ah hian PRISM President, Vanlalruata chuan Mizoram hi ram nuam zawk, ram hmasawn, eiruk awmlohna rama siam duh apiang PRISM Party in a thawhpui theih thu sawiin, thawhpuiah Zoram mipuite a sawm a. Serchhip District tana PRISM party hmalak tum dan leh ruahmanna sawiin, Assembly Constituency tinah bialtu MLA te Chairman-a hmangin Constituency Development Committee an din dawn thu leh tuna MLA Local Area Development Fund pawh MLA thu thua dah tawh lovin he Committee thu hian hman a ni tur thu te, District Development Committee mumal zawka kalpui a nih tur thu a sawi a. MLA ten an bial chhungah Office an neih vek tur thu te, Serchhip leh Thenzawl-ah Municipal dinin khawpui zauhin an Plan \hat dawn thu leh North Vanlaiphai-ah pawh mipuiin an duh chuan Municipal hi an din tur thu a sawi a. Chhingchhip-ah RD Block hawn a nih dawn thu te, thuneihna sem zaiin Village Council te Panchayati Raj System-a Planning, Monitoring leh Implementation-a thuneihna an neih ang te pek an nih tur thu te, Panchayati Raj system-a awm lo, tuna kan kalphunga kan neih sa Village Court chu kalpui zuiin 2nd Class Magistrate thuneihna tlukpui pein tihchak an nih dawn thu te a sawi bawk.
Hei bakah hian PRISM President, Vanlalruata chuan Mat phai chu intodelhna atana an hmalakna hmunpui pakhat a ni dawn tih sawiin, Tui hnianghnar a awm theihnan a hnar lamah Mat lui hi khuapin Kawngpui \ha leh Electricity Line \ha-a pawhin Cold Storage te, Godown te leh Industry an bun chilh tur thu te, Chhingchhip-a MIFCO khawl chu mipui kut-a dah a nih tur thu te, Buh-a intodelh nan buh thartu hnenah lawmman ah |in khat zelah Rs. 100/- an pek tur thu te, Sumchang thlaiah thlan bik neiin a thartu te hnenah lawmman an pek tur thu te, Loneitute dinchhuahnan kalphung thlakin lian thama hmalak theihna ram \ha laiah Israel te tihdanin kawngpui, tui, electric leh chenna In nen thlap hna thawh theiha ram buatsaihin hna thawk peih te hausa turin an dah dawn tih a sawi.
PRISM President chuan Serchhip District chhungah UPSC leh SSC Examination Coaching Centre leh sipai \ang duh tana inzirna Training Centre an din dawn thu pawh sawiin, |halai, hna thawk rual te ham\hatnan eizawnna hna thar 1,50,000 aia tlem lo an siam dawn thu leh Rahbehna chi hrang hrang awm thei laka hna-thawktu te veng turin Labour Court an din dawn thu te, pawl leh mimal hnuaia thawk tan Pension, Medical leh Leave Benefit an siam dawn thu te a sawi.
Hei bakah hian kum upa te ham\hatna atan Tar pension tipungin kum 70-79 tan thla 1-ah Rs. 1,000/-, kum 80-89 tan thla 1-ah Rs. 1,500/- leh kum 90 chin chunglam tan thla 1-ah Rs. 2,000/- an pek dawn thu sawiin, Hmeichhia te ham\hatna atan mipa leh hmeichhe hlawh intluk kalpuiin Private (pawl leh mimal) hnuaia thawk hmeichhia te tan Maternity benefit an siam dawn thu a sawi bawk.
Nimin a PRISM President in Serchhip-a thuthar thehdarhtute a kawmna hunah hian PRISM President hi Party General Headquarters Jt. Secretary, Lalrothara Sailo leh |halai Secretary, C. Lal\anpuia ten an \awiawm a ni. PRISM hruaitute chuan kumin a Assembly in-thlanpui lo awm tur atan Candidate tur mi 10 an puan tawh thu leh tunah hian midang pawh an puan leh \ep thu sawiin, tunlai hian Mizoram hmun hrang hrangah vakchhuakin beihpui an thlak mek thu an sawi bawk.

Latest News

Hmasawn zelna tur kan la nei

Hmasawn zelna tur kan la nei

Popular News