Tuesday, 29 May 2018

HSLC leh HSSLC-a Topper te hnenah Chief Minister in Chief Minister's Award a hlan

Kum 2018 HSLC leh HSSLC result tihchhuah taka Topper-te hnenah nimin khan Chief Minister's Award hlan ani a, he hun hi Chief Minister, Lal Thanhawla chuan khuallian nia hmanpuiin Exam la awm zel turah Topper te chuan mark sang zawk an hmuh zel a duh thu a sawi.

Nimin a Lal Thanhawla Auditorium, Aizawl-a Chief Minister's Award semna hunah hian Chief Minister, Lal Thanhawla chuan kumin HSLC leh HSSLC exam result chu kumdang ai zawnga a \hat avangin zirlaite, zirtirtute, Education Department a thawkte leh zirlai \awiawmtu an chhungte chungah lawmthu a sawi a. Chutihrual chuan zirlaite chu tuna an hlawhtlinna ah hian duhtawk mai lova result \ha chu vawn chhoh zel piah lamah hmasawn zelna tur rahbi ah hman tur a nih thu sawiin, exam la awm zel turah Topper ten mark sang zawk an hmuh zel a duh thu a sawi bawk. Chief Minister chuan zirna lama hmasawnna chuan ram hmasawnna a thlen thu sawiin, hemi kawngah hian sawrkar pawhin nasa taka hma a lak thu a sawi a, ramdang el pha ‘export-quality education’ siam tura kawng hrang hranga hma lak a nih thu sawiin, zirna siam\ha tura Education lama India mithiam ber berte telna, Education Reforms Committee lo din a nih tawh thu te leh Science and Technology lama hmasawnna chu thui taka ram hmasawnna innghahna a nih avanga Science leh Mathematics lama zirna \ha zawk nei tura hmalak a nih thu te a tarlang bawk.
He hun hi School Education Minister, H. Rohluna pawhin Khual Zahawm nia hmanpuiin zirlai ti\hate chu chawimawi an phu avangin leh an zirlai puite tan chona a nih theih nan Chief Mi-nister’s Award chu sem \hin a nih thu sawiin, zirlaite tana Selection test neih \hin chu naupangte tan an future career tichhetu a nih theih dawn avang leh School tihming\hat tumna chauh a nih avangin kum 2015-a tihtawp a nih thu sawiin, hemi hnu hian pass percentage a \ha chho zel tih a sawi bawk.
Kum 2013 khan HSLC leh HSSLC (Stream tin) Topper-te hnena Chief Minister’s Award hi hlan \an a ni a. Kum 2016-ah scheme mumal zawka siamin Mizoram Chief Minister's Award to Toppers of HSLC & HSSLC Examination under MBSE Scheme tia vuah a ni a, Award hian citation leh Rs. 50,000 zel a keng tel a ni.

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP