Monday, 7 May 2018

Serchhip-ah MYC Youth Summit & Road Show nei dawn

Mizoram Youth Commission (MYC) chuan Mizoram \halaite hmasawnna tur leh nakin hun atana chhawr tlak leh hna \ha tak an thawh theihna turin Youth Summit & Road Show 2018 chu District hrang hrangah a buatsaih chho mek zel a, Serchhip District-ah pawh tunkar Nilaini hian Serchhip Auditorium-ah buatsaih a ni ang.

Youth Summit-ah hian stall 20 chuang a awm dawn a, zirna leh eizawnna kawng hrang hranga hmasawnna turin mithiam rawn tur \ha-hnem tak an awm dawn a, lemziak leh thlalak lam te, rimawi chi hrang hrang, pangpar khawi, designing leh puan\hui, kut themthiamna lam leh zai lamah te experience lo nei tawh mi engemaw zat an tel dawn a, a thlawn veka biak rawn theih an ni dawn a, Zirlaite tan phei chuan chhawr nahawm tur tak niin ramchhung leh foreign thleng pawha zirna In \ha tak tak te nen thawhho a nih avangin he hunah hian hun \ha a inhawng nasa dawn a, eizawnna kawnga ngaihtuahna seng mek te tan pawh hun remchang tak a ni.
All India Service leh Central Service dangah te Mizo \halai an luh theihna tura Coaching class hawng mek an nih angin Youth Summit chhung hian Coaching Class kal theih dan tur leh Hotel Management lam, Cabin Crew thlenga zawm theih dan tur inhrilhhriatna hun hman a ni dawn bawk a, mithiam rawn tur an awm reng dawn bawk a ni. Art exhibition ropui taka buat-saih tum a ni bawk a, thlalak leh lemziak (painting) \hahnem tak phochhuah a nih dawn mai bakah he lama mithiam bikte’n a thlawna zirtirna hun an hmang bawk ang. Hei bakah hian \halai hna zawng mekte tan sawrkar deparment thlan bik te’n online leh offline registration tih theihna an chhawp chhuak dawn bawk a, LESDE hnuaia Employment Registration ti duh tan pawh he hun hi thil tih awlsam lai tak tur a ni. He hunah hian tela chhawr \angkai \heuh turin a buatsaihtute chuan mipuite an sawm a ni.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...