Sawrkar mi pawimawh ten Larsap an thlah

/
Mizoram Larsap, Lt. Gen. (Rtd) Nirbhay Sharma chuan Mizoram Larsap hna a thawh hun chu nimin khan hmang zovin nimin khan sawrkar mi pawimawh ten Larsap hi Raj Bhavan-ah an thlah.
Mizoram Larsap kalchhuak tur, Lt. Gen. (Rtd) Nirbhay Sharma hi Chief Minister, Lal Thanhawla, Mizoram Legislative Assembly Speaker, Cabinet Minister, Deputy Speaker leh sawrkar hotu \henkhat ten thlahin Larsap chuan Mizorama awm chu nuamin thlakhlehawm viau mah se a chhuahsan a hun tak thu a sawi a. Kum thum liamta chhunga a hun hman dan chu a lungawi thu sawiin, thil tam tak a zir hman thu a sawi a. Mizoram in hma a sawn theih nan a theihtawp a chhuah \hin thu sawiin, engtik Ni-ah emaw chuan Mizoram chu ral ven buk satliah ni lovin, Asia chhim-chhak khawmualpui leh a piah lam thlenga India kawtchhuah a nih ngei a beisei thu a sawi bawk.
Nimin vek khan Mizoram Ex-Service League-te chuan Mizoram Larsap kalchhuak tur hi thlahin ngaihruina thilpek an hlan a, he hunah hian Larsap chuan Mizoram-ah ruihhlo do tur te, mipui hriselna atana hma la tur leh midangte Hindi zirtir turin an ni aia pawl chak an awm lo tih a sawi a, khawtlang tana \ha taka thawh chhunzawm zel turin duhsakna a hlan bawk.
Chief Minister, Cabinet Minister-te, Deputy Speaker leh sawrkar hotute chuan Mizoram Governor chu Raj Bhavan a\angin |huampui Helipad thleng an thlah a. 1st Bn. MAP leh 3rd Bn. MAP te’n Guard of Honour nen an thlahliam a ni. 

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »