Mizoram-ah International Nurses Day-2018 hman a ni; Inpekna thar nena thawk turin Minister in Nurse te a chah

International Nurses Day 2018 chu Inrinni khan khawvel hmun hrang hrangah hman a ni a. Aizawl-ah pawh Synod Hospital Durtlang Auditorium-ah he Ni puala inkhawm hi neiin khuallian nia he hun hmanpuitu Health Minister, Lal Thanzara chuan Nurse-te chu Florence Nightingale-i anga hna thawk a, a inpek anga inpe thar turin a chah.

International Nurses Day-2018 puala inkhawm Synod Hospital Durtlang Auditorium-a neih ah hian Health Minister chuan Nurse te fuihna thu sawiin damlo leh anmahni awmpuitu an chhungte chunga \awngkam hman leh biak danin nasa takin damlote ah damna leh nat zualna a thlen thei a ni tih hre reng tua fuihin, “Kan \awngkam leh chezia ah midang thlamuantu kan ni ngei ngei tur a ni,” a ti a. Mizorama kan Nursing School hrang hrang te chu a larin, Mizoram pawn a\ang pawhin an rawn pan nasa \hin thu a sawi a. Phai lama inentir leh damlo tlawh changin damdawi In-a Mizo Nurse thawk an lo awm chuan a thlamuanthlak \hin thu pawh sawiin, Nurse-te chu damlohna, natna, beidawnna leh thihna kara thawk reng an nih avangin rilru lam pawh a nghawng lo theilo a, a eng zawnga thil thlir thiam a, rilru hrisel put tum hram hram tur an nih thu sawiin, mahni inenkawl a, in duat nachang hre turin a chah. Health Minister chuan kan ramah Doctor leh Nurse indaihlohna a nasat thu sawiin, thingtlang hmun kilkhawra Health Sub-Centre-ah te Nurse ten nasa taka \an an lakna chu lawmawm a tih thu a sawi a. Mizoram-ah Medical College, MIMER din phalna kan hmuh tawh angin hemi a thawk tur Staff Nurse 65 leh Ward Superintendent 31 chu MPSC-in a lak fel tawh thu leh nikum khan GMN School Thingdawl leh ANM School Lawngtlai chu zirlai 20 ve ve la in bul an \an tawh thu a sawi bawk.

International Nurses Day hi Florence Nightingale-i pian champha, May ni 12-a hman \hin niin kumin hian ‘Nurses: A voice to lead-Health is a human right’ tih chu he Ni thupui atan hian hman a ni a. He Ni puala hun hmanna ah hian Trained Nurses Association of India (TNAI) Mizoram Branch President, Lalremmawii chuan Nurses Day-ah hian inpekna thar nena \an la turin kalkhawm te chu sawmin, “Kan thiamna te tibelhchhahin lainatna nen damlote kan enkawl tur a ni,” tiin thingtlang kilkhawr thlenga thawk thei tura an inbuatsaih a ngai tih a sawi bawk.

He hunah hian he Ni thupui hmanga thu-sawi ngaihthlak a nih bakah intihhlimna hrang hrang neih a ni bawk.