Serchhip District-ah MR Vaccine pek beihpui thlak mek zel

District Task Force Committee on Immunization in a rel tawh angin Measles-Rubella (MR) Vaccine pek beihpuithlak chu Serchhip District-ah ngawrh taka neih chhunzawm zel a ni a, tunah hian Anganwadi Centre leh Health Sub-Centre hrang hrangah pek mek zel a ni.

MR Vaccine pek beihpuithlak hi zirna In hrang hrangah zawhfel ni tawhin tunah hian naupang School la kal rual lo, Anganwadi-a inziaklut te tan Health Worker, Anganwadi Worker leh ASHA ten Health Sub-Centre leh Anganwadi Centre hrang hrangah an kalpui leh mek a ni.

He Beihpuithlak hi chawlhkar nga (5) chhunga zawh hman tum niin, naupang thla 9 a\anga kum 15 chin ten kim taka an lak ngei theih nan khawtlang hruaitute, tlawmngai pawlte, sawrkar department hrang hrangte leh zirna In hrang hrangte bakah nu leh pate thawhpui atan sawm an ni.

India ramah MR Vaccine pek beihpui hi thlak mek niin tun dinhmunah State 15-a naupang thla 9 leh kum 15 inkar, mi vbc. 8 pek an ni tawh a. Mizoram-ah chuan April 16, 2018 a\anga beihpuithlak hi kalpui \an ani a, tunkar chhung hian Serchhip District chhungah vaccine hi pek zawh hman beisei a ni.