GSDP leh Per Capita Income sang anga sawi mahni inbumna mai a ni - Lalduhoma

Zoram Peoples’ Movement (|angrual Pawl) Chief Ministerial Candidate, Lalduhawma chuan Mizoram Sawrkarin GSDP leh Per Capita Income sang anga a sawi \hin chu thil zahthlak tak leh mahni leh mahni inbumna mai a ni, a ti.
Inrinni khan ZPM Chief Ministerial Candidate, Lalduhawma hian Aizawl Press Club-ah thutharlakhawmtute a kawmna-ah he thu hi sawiin, a nihna takah chuan Mizoram GSDP leh Per Capita Income heti taka a lan san takna chhan chu Central a\anga \anpuina Mizoram-in a hmuhte chu ram thawhchhuah anga an chhiar ve rikngawt vang a ni, a ti a. Mizoram GSDP leh Per Capita Income lo sang ta chu Mizoram sawrkar chuan chhuang takin a tlangaupui a. Per Capita Income phei chu National Average a khum ta hial a sawi chu, a lan danah State changkang tak ang a lo ni a. Hei hi chhuanlama hmangin Finance Commission in15th Finance Commission in 2020-2025 thlenga sum dawn tur zat a ruahhman mek ah Mizoram sum hman tur a pek tlem phah ang tih a hlauhawm hle tih a sawi.
Mizoram Budget chu Central puihna leh Loan a lak te a nih thu sawiin Lalduhoma chuan, Mizoram-in a thawhchhuah tak tak sawi tham a nei lo tih a sawi a. Central sum in buhfai lei a ni a, mipuiin buhfai an leina man sawrkara lut leh te, Power lei nana Central sum a hman a\anga Electric Bill lo lut leh te, Central \anpuina hmanga Water Supply siam a\anga Tui bill lo lut leh ang chi zawng zawng chu sawrkar chuan a sum lakluh angah chhiarin, GSDP leh Per Capita Income teh nan a hmang niin a sawi a. Central sawrkar a\anga sum hmuh hmangin sawrkar hnathawk hlawh a pe a, chung sawrkar hnathawkten hlawh an lak chu sum lakluhah an chhiar tel a, chu chu Per Capita Income tisangtu ber pakhat a ni bawk tih sawiin, a tak takin production sawi tlak a nei reng reng lo tih a sawi.
Lalduhawma chuan 15th Finance Commission Chairman, N.K. Singh chuan a hnenah hian a ngaihdan leh rawtna thehlut tura a rawn angin Mizoram dinhmun dik tak tun thla ni 9 -a a thehluh-ah pawh kumin Budget a\anga Revenue Mizoram-in a hmuh chu cheng nuai 80719.02 a nih thu leh chu chu Budget 100-a 8.3 chauh a nih thu a thlen tih a sawi a. Mizoram sum hmuhna, Agriculture leh Industry a\anga a dehchhuah chu tlemte a nih bakah, Electric bill te, mipuiin buhfai an leina man te, Vehicle Tax te, Bus chuan man te, zu chhiah tih te mai mai an nih thu sawiin, Mipui nawlpuiin hma an sawn ta tihna a ni loh avangin tehfunga hmansak lovin, mipui dinhmun dik tak zawk tehfunga hmansak tura 15th Commission Chairman ah a thlen thu a sawi bawk.

Popular News

PAN CARD an tih teh fo hi - Laldinpuia