Presbyterian New Serchhip Pastor Bial in 'Presbyterian English School' an din thar chu nimin khan a hawnna leh Pathian hnena hlanna inkhawm neih a ni.
Presbyterian English School hawnna leh Pathian hnena hlanna inkhawm School building thar, PWD Highway Circle Office building-a neih hi New Serchhip Pastor Bial Secretary (Sr), Upa H. Ngurthansiama chuan kaihruaiin he hunah hian Rev. Dr. PR. Hmuaka, School Managing Board Chairman leh Bialtu Pastor chuan kum 2016-a New Serchhi Pastor Bial Inkhawmpui in a rel anga he School hi din a nih thu sawiin, a hlawhtlinna tura Kohhran mipuite leh sawrkar \awiawmna an dawng chu lawmawm a tih thu a sawi a. English Medium School pakhat din belh mai chu an tum a nih loh thu sawiin, Pathian thu inzirtirna atan leh mihring nun puitling a inchherna atan te leh khua leh tui \ha ni tura inzirtirna atan te hetiang hian School an din \hin tih a sawi a. Khawtlang, Kohhran, Pawl leh chhungkua ten mi \ha leh entawntlak kan duh thu sawiin, hemi atan hian kan \antlan a \ul thu a sawi a. He School a thawk tur Zirtirtute chu naupangte tana entawntlak ni turin a chah bawk.
He hunah hian School Managing Board Secretary, Upa RL. Chhuanawma chuan he School lo in din dan te sawiin, kum 2016-a New Serchhip Pastor Bial inkhawmpui rorel vawi 24-na in a rel anga he School hi din a nih thu leh tunah hian Kg-I, II leh Class-I tan bul \an a nih thu a sawi a, tun Session-ah hian Kg-I ah zirlai 33, Kg-II ah zirlai 9 leh Class-I ah zirlai 14, an vaiin zirlai 56 awmin zirtirtu 4 an awm dawn a. Admission Fee Rs. 1500/- niin Monthly Fee Rs. 350/- a ni dawn bawk.
He School hawnna leh Pathian hnena hlanna inkhawm ah hian Upa K. Lalengzama chuan hunserh hmangin zirlai leh zirtirtu bakah sawmbik te an tel a. He hunah hian Kohhran Hmei-chhia leh mimal \hahnem takin School tan thilpek an hlan bawk a ni.
Comments
Post a Comment