Kawngpui dim turin ngen

 Sawrkar chuan thuchhuah siamin Serchhip khawpui chhung kawngpui thawm\hat mek chu mipuiten nuam taka kan hman reng theih nan dim hram hram turin Serchhip mipuite a ngen.

Hemi chungchanga sawrkar thuchhuah tarlan danin Mizo-ram PWD (Highway Division-IV) chuan sawrkar laipui a\anga sum an dawn angin PWD Hnah-thial Sub-Division hnuaiah Sailiamkawn a\ang chhim lam Hrangchalkawn thleng NH-54 Resurfacing an thawk a. Sailiamkawn a\anga Serchhip khawchhung lam zawng resurface-na tur erawh dawn a ni lo a, Serchhip khawchhung a National Highway thawm\hatna tur hi a hranpaa Sanction hmuh ngai niin Sailiamkawn a\anga Aizawl lam zawng phei hi chu Central a\angin sum hmuh ala awm lo a ni.

Hetihlai hian Serchhip khawchhung bik NH-54 ah khuar leh khawk a awm nual avangin kan harsatna riain PWD (Highway) chuan sum chuang tlem azawng an neih, hmundang thawm-\hat nana an lo ruahman vek tawh chu Serchhip khawchhung bik thawm\hat nan duhsak takin an hmang a, pawisa awm mang lova thawkte an nih bawk avangin duhthusam pawhin khuar leh khawk te hi an thawm thei biklo nghe nghe tih an tarlang a. Khaw chhung resurface vekna tur hi engtikah nge a lo kal dawn tih hriat mai theih anih loh avangin tuna phak ang tawka PWD ten khawchhung kawng an thawm hi a tlo a, mipuiten nuam taka kan hman reng theih nan kan kawngpuite dim hram hram turin Serchhip mipuite an ngen tih an tarlang a ni.