Tuesday, 8 May 2018

Serchhip-ah Crime Review Meeting neih a ni


 Nikum aiin kumin ah thubuai ziahluh a pung nasa




Serchhip District chhungah nikum (2017) kumtir thla li (4) chhung aiin kumin (2018) kumtir thla li (4) chhungin thubuai ziahluh nasa takin a pung a, nikum January - April chhungin thubuai 64 ziahluh a nih laiin kumin a hemi chhung hian thubuai 81 zet ziahluh a ni.

Nimin khan Serchhip District chhunga Police te chuan Superintendent of Police (SP), Lalringdika, MPS hovin kumin January a\anga April thla chhunga Serchhip District chhunga Dan leh thupek kenkawh a nih dan thlirin Crime Review Meeting an nei a, he huna tarlan a nih danin nikum (2017) January a\anga April thla chhung khan Serchhip District-ah thubuai ziahluh zawng zawng 64 a nih laiin kumin a hemi chhung hian thubuai 81 ziahluh a ni a, nikum aiin kumin hian thubuai ziahluh hi 17 in a tam zawk a, thubuai ziahluih hi za zela 20 velin a pung anga chhut a ni. Nikum January a\anga April thla chhung khan IPC hnuaiah thubuai 22 ziahluh a nih laiin kumin hian thubuai 31 ziahluh niin nikum aiin thubuai ziahluh hi 9 in a tam zawk a, IPC hnuaia thubuai ziahluh ah hian rukruk thubuai 13 ziahluh niin nikum-a thubuai 6 ziahluh aiin nasa takin a pung a, nikum lama thubuai ziahluh zinga awmlo Kidnapping chungchangah thubuai ziahluh pakhat awmin pawngsual thubuai pawh pakhat ziahluh a ni a, nikum ah tualthah thubuai ziahluh pahnih a awm laiin kumin hian tualthah thubuai ziahluh pakhat a awm bawk.
Non-IPC hnuaiah nikum January a\anga April thla chhungin MLPC Act hnuaiah thubuai 35 ziahluh a nih laiin kumin hian thubuai ziahluh 40 zet a awm bawk a, ND&PS Act hnuaia thubuai ziahluh pawh pungin nikum a Case 4 ziahluh a nih laiin kumin ah 6 ziahluh a awm a, hursualna laka naupangte humhimna Dan, Protection of Children from Sexual Offences Act (POCSO) hnuaiah nikum khan thubuai 2 ziahluh a nih laiin kumin hian thubuai ziahluh 4 a awm a, kumin hian JJ Act hnuaia thubuai ziahluh ala awmlo thung a ni.
Serchhip Police ten kumin a Quarter hmasa ber, January ni 1 a\anga April 30 thlenga thubuai an ziahluh 81 zingah hian thubuai 60 te chu chhui zo tawhin Chargesheet thehluh fel a ni tawh a, a bak thubuai 21 te chu Chargsheet thehlut tura chhui zui mek niin Court-a Chargesheet thehluh tawh zingah Court-a thubuai ngaihtuah hnua thiamloh chantir mi 27 awm tawhin thubuai 33 te chu Court-ah ngaihtuah mek a ni bawk.
Nimin a Serchhip District Police Crime Review Meeting-ah hian SP, Lalringdika chuan Serchhip District chhunga Police ten thubuai chhui-chhuah leh Chargesheet felfai taka thehlut tura hma an lak \hinna chu lawmawm a tih thu sawiin, tunlai khawvel-ah thiamna sang zelah misual te pawhin hmanraw \ha leh changkang zawk an hman zel avangin chutianga pawikhawih te chhui chhuak thei tur chuan Police te pawh an in thuai-hriama thunlai thiamna \angkai zawka an hman ve zel a \ul thu a sawi bawk.
Serchhip District chhungah hian Police Station 3- Serchhip, Thenzawl leh North Vanlaiphai te awmin nimin a SP hova  Crime Review Meeting-ah hian heng Police Station hrang hranga hotute leh SP Office-a Officer rual te an tel a ni.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...