SEC \hutkhawm neih a ni

 Kum 2018-2020 chhunga Serchhip Sub-Hqrs. YMA Executive Committee \hutkhawm hmasa ber chu Inrinni khan neih a ni.

He SEC Meeting hi Serchhip Sub-Hqrs. YMA President, R. Sanghmingthanga chuan kaihruaiin Sub-Hqrs. YMA Conference vawi 6-na thurel zinga Sub-Hqrs. Coordination Committee in SEC bawhzui tur zinga a dah, Ruihhlo do beihpui thlakna kawnga chak zawka hmalak dan tur Anti-Drug Squad in an duan chu thlirin ruahmanna te an pawm a. Chain-Saw hmanga dan lova thing zai \hin tihtawp a nih theih nana hmalak leh luidung nungchate leh lui-a lung te humhalh kawnga khauh zawka hmalak te chu Group YMA leh Branch-ah lehkha tichhuakin a \ul angin a changtu Department te pawh sawipui nise an ti bawk.

Hei bakah hian Conference Agenda atana rawt zinga SEC bawhzui tura dah zinga sawrkar hmalakna leh hmasawnna hnathawh enpui chungchanga rawtna hrang hrang te chu Vigilance and Monitoring Committee in lo bawhzui se an ti a. Chhiatni |hatni kaihhnawih chungchanga rawtna lut te pawh Town Branch-ah inzirtirna a remchan dan anga neih tura tih a nih bakah Serchhip District Hospital-ah a \ul huna hman theih turin Sub-Hqrs. hmingin Kuang dah nise an ti a, New Serchhip-a PWD (Highway) Circle Office tura sak chu a Department lamin an luah dawnlo a nih chuan YMA Recreation Centre atan dil nise an tih bakah Sub-Hqrs. huamchhunga hnamdang (vai) sumdawng Cencus neih chu Kum-puan Committee hmalakna turin an dah bawk.

Hei bakah hian thla thar June 15-a YMA Day lo thleng tur pualin Serchhip Town chhunga damdawi In leh Home hrang hrang 7-ah YMA Day thilpek hlan nise an ti a. Sub-Hqrs. YMA huamchhunga YMA sum enkawltute tan sum vawn dan zirhona chu Finance Committee in rua-hmanna lo siam se an tih bakah Ration buhfai leh eirawngbawlna Gas te buk dik taka mipui ten an lak theihna tura hmalak dan tur an ruahman bawk.