Vawiin a 'MYC Youth Summit & Road Show-2018' neih tur chhawr tangkai turin Serchhip thalaite sawm

Mizoram Youth Commission (MYC) buatsaihin Vawiin, May 9, 2018 khian Serchhip Auditorium-ah 'MYC Youth Summit & Road Show-2018' neih a ni dawn a, he hun hi hmang \angkai turin Serchhip mipuite an sawm.
'MYC Youth Summit & Road Show-2018' neih tur chungchangah hian nimin khan Mizoram Youth Commission-a Youth Commission Officer, Ronald Lalchhuanawma chuan Serchhip-a tualchhung thuthar thehdarhtute chu Serchhip Sub-Hqrs. YMA Office-a kawmin \halai ten sawrkar hmalakna te an hriata mahni-a eizawnna an indap theihna turin kawng hrang hranga hma an lak thu leh heng ruahmanna hrang hrangte hi \halai ten hriaa eizawnna \ha zawk an indap theihna tura kawng inkawhhmuh nan he hun hi buatsaih a nih thu a sawi a. April 17 leh 18, 2018 khan 'MYC Youth Summit & Road Show-2018' hi Aizawl-ah hawn a nih thu leh hemi hnu hian Kolasib, Mamit leh Champhai-ah te nei tawhin Serchhip-a neih hnu hian Siaha leh Lawngtlai-ah te nei lehin tun thla ni 23 leh 24 khian a kharna hun Lunglei-ah hman tum a nih thu a sawi a. He 'MYC Youth Summit & Road Show-2018' ah hian Stall hrang hrang hawngin \halai lehkhathiam leh lehkhathiam lo tan pawh mithiam rawn theih a nih dawn thu sawiin, lehkha zir chhunzawm zel duhte tan pawh mithiam te rawn theih an nih dawn thu leh lehkha zir lova hna zawng duh tan pawh training theihna kawng inkawhhmuh theih a nih dawn thu sawiin, he hun hi Serchhip District-a \halai ten chhawr \angkai ngei se a duh thu a sawi bawk.
Ronald Lalchhuanawma chuan MYC hmalak tawhna hrang hrangte pawh sawiin, Aizawl-a Online-a IAS Coaching kalpui mek a nih thu leh he Coaching Class kalpui-ah hian Internet hmangin Delhi-a zirtirna kalpui mek chu zawm theih a nih thu a sawi a, kum 3 chhung kalpui tura ruahman ah nakum thleng atan inremna ziakin Session khat-ah mi 50 tan Seat siam a nih thu a sawi a, he Coaching Class chhawr duhte tan sawrkar in Rs. 80,000/- a tum sak thu a sawi a, Session thar ah Lunglei-ah pawh hetiang hi kalpui tum a nih thu a sawi a. Staff Selection Commission (SSC) hnuaiah Mizo \halai ten hna an hmuh theih nan Coaching Class an kalpui thu pawh sawiin, tuna Aizawl-a kalpui mek bakah Session thar a\angin Lunglei-ah kalpui ve tum anih thu a sawi a. SSC Coaching Class-a kal te hi sawrkar in Rs. 9000/- tum sakin anmahni in Rs. 3000/- an tum ve thu a sawi bawk.
Mizo \halai te Sipai-ah tam zawk an luh theihna turin MYC chuan hma a lak thu pawh Youth Commission Officer chuan sawiin, kumin kumtir lama Sipai lakah pawh MYC hnuaia Coaching Class leh Physical kal zingah mi 32 an tlin thu a sawi a, Indian Air Force in Commando an lak turah pawh Mizo \halai engemaw zat an tirh a\angin mi 2 te chu July thlaa Medical Test nei tura an tlin thu leh Mizoram-ah Medical Test neih hmasak a nih avangin an tlin ngei a beisei thu a sawi bawk.

Popular posts from this blog

PAN CARD an tih teh fo hi - Laldinpuia